Կապիտուլյացիոն ակտը ստորագրած դավաճանը հնարավոր է նոր դավադրություններ կազմակերպի Հայաստանի Հանրապետության և հայ ժողովրդի դեմ
ՔԱՂԱՔԱԿԱՆՈՒԹՅՈՒՆ
Վերջերս ԱԺ-ում պատգամավորները վարչապետի հայտարարություններին հոտնկայս ծափահարեցին, ինչը բուռն արձագանքի արժանացավ ժողովրդի կողմից։ Ծափահարողները իշխանական ողջ խմբակցությունն ու կառավարության անդամներն էին։ Այս թեմայով 1or.am կայքը զրուցել է քաղաքագետ Գագիկ Համբարյանի հետ։
—Պարոն Համբարյան, սա ինչի՞ դրսևորում է։
— Այդ վարքագիծը հրահանգված էր հենց դավաճան Նիկոլի կողմից, որը իր կառավարության անդամներին և երեսփոխան իշխանավորներին հորդորել էր նման վարքագիծ, որ ցույց տա իր հանդեպ իր թիմի հարգանքն ու պատիվը։ Այս քայլով իրենք նաև մեսիջ են ուղարկում ընդդիմադիրներին, որ իրենք միակուռ են և իրենք սպասվելիք ԱԺ ընտրություններին շատ մարտական են տրամադրված։ Այս ամենի մեջ կարելի է տեսնել այդ դավաճան Նիկոլի ագրեսիվ պահվածքը իրեն սպասարկող նույն պատգամավորներ կոչվածների բավական ագրեսիվ և լկտի հռետորաբանությունը, որը նաև շարունակվեց նիստին հաջորդող օրերին։ Այնպես որ, սրանք բոլորը նույն կաթսայի մեջ եփվող գործընթաց է և միմյանցից տարանջատել պետք չէ։
—ԵԱՀԿ Մինսկի խմբի համանախագահները Արցախի հարցով հանդես են եկել հայտարարությամբ՝ կոչ անելով համանախագահների հովանու ներքո հնարավորինս շուտ վերսկսել բարձր մակարդակի քաղաքական երկխոսությունը։ Ըստ նրանց՝ հատուկ ուշադրություն պետք է դարձնել վերջնական, համապարփակ և կայուն կարգավորման ձեռքբերմանը՝ կողմերին հայտնի սկզբունքների և տարրերի հիման վրա։ Ի՞նչ ուղերձներ է պարունակում այս հայտարարությունը, ի՞նչ կարող է փոխվել սրանից հետո։
— Հայտարարությունը շատ դրական եմ գնահատում` հաշվի առնելով մեր ազգային շահերը։ Բայց այստեղ խնդիրը հետևյալն է, որ մենք պարտված կողմ լինելով հիմա այդքան էլ հնարավորություն չունենք թելադրելու հակառակ կողմին, որ ընդունի ԵԱՀԿ Մինսկի խմբի համանախագահների հայտարարությունները որպես ի գիտություն։ Իսկ ինչպես մենք գիտենք, ադրբեջանական կողմը Նիկոլի կողմից ստորագրված կապիտուլյացիոն ակտից անմիջապես հետո հայտարարեց, որ Արցախյան հարցը իր համար լուծված է և միջնորդները` Մինսկի խմբի համանախագահները, ժամանեցին տարածաշրջան, Ադրբեջանի բռնապետը նրանց շատ վատ ընդունեց և նրանց երեսին էլ ասեց, որ նրանց խնդրանքով է ընդունում, բայց ինքը խնդիր չունի այդ ձևաչափով բանակցելու Արցախյան հարցի կարգավորման վերաբերյալ, քանի որ Ալիևի համար Արցախյան հարցը արդեն լուծված է։ Այստեղ խնդիրը հետևյալն է, որ որքան հիմա Մինսկի խմբի համանախագահները հայտարարություններով հանդես գան, իսկ մենք տեսել ենք, որ Մինսկի խմբի ձևավորումից՝ 1992 թվականից ի վեր այդպիսի հայտարարություններ բազմիցս եղել են, բայց այդ հայտարարությունները այդքան էլ չեն ազդում բանակցային գործընթացի վրա։ Ճիշտ է, մինչև 2020 թվականի նոյեմբերի 9-ը մենք հաղթանակած պետություն ենք եղել և հանդես ենք եկել մեր սեփական շահերից։ Հիմա պետք է հասկանալ, որ հաղթանակած է ադրբեջանական կողմը և հաղթել է բավական լավ սկզբով, որովհետև 5+2-ից բացի ադրբեջանական կողմը ունի նաև ամբողջ Հադրութի շրջանը, գրեթե ամբողջ Շուշիի շրջանը` Շուշի բերդաքաղաքով, ունի Մարտակերտի, Մարտունու շրջանից որոշ գրաված տարածքներ, որոնք նախկինում իր վերահսկողության տակ չեն եղել և հիմա ադրբեջանական կողմը ուժեղի դիրքերից է հանդես գալիս և հաշվի առնելով նաև իր ֆինանսական դրությունը, ինչպես նաև դիվանագիտական օժանդակությունը, որ ինքը իր ֆինանսական հնարավորությունների միջոցով ստանում է տարբեր երկրներում ադրբեջանամետ լոբիզմով զբաղվելով, կարող եմ նշել, որ Մինսկի խմբի համանախագահների հայտարարությունը այնքան էլ մեծ ազդեցություն չի կարող ունենալ բանակցային գործընթացի վրա։ Լավագույն դեպքում Ալիևը բանակցային սեղանի շուրջ կնստի համանախագահող երկրների ներկայացուցիչների հետ, նույնիսկ կհամաձայնվի հանդիպել դավաճան և իր կողմից կապիտույիացիայի ենթարկված Նիկոլի հետ, բայց չեմ կարծում, որ դա կարող է գլոբալ ազդեցություն ունենալ ի օգուտ Հայաստանի։ Մենք հիմա կարող ենք շատ հետաքրքիր գործընթացների ականատես լինել, երբ Մինսկի խմբի համանախագահների միջնորդությամբ Հայաստանի դավաճան վարչապետը կարող է պրոադրբեջանական փաստաթղթերի տակ ստորագրություն դնել, ինչու ոչ Նիկոլը բազմիցս ցույց է տվել, որ ինքը պետական մտածելակերպից զուրկ անձնավորություն է և նվաստացած և նսեմացած լինելով ադրբեջանաթուրքական տանդեմի կողմից, իրենք կարող են պարտադրել ստորագրել ամեն մի փաստաթղթի տակ, որտեղ բազմաթիվ հակահայկական կետեր կլինեն։ Եվ նույն դավաճանը չակերտավոր ասած` մարսելով նոյեմբերի 9-ի կապիտուլյացիոն ակտը, հիմա չի բացառվում, որ նորանոր դավադրություններ կազմակերպի Հայաստանի Հանրապետության և հայ ժողովրդի դեմ` արդեն շատ լավ կիրառելով իրեն բնորոշ կեղծիքները և մանիպուլիացյաները ամեն ինչում շարունակի մեղադրել նախկիններին, բայց իրականում ինքը լինի ամենի հեղինակը։
—ԱԺ-ում Նիկոլ Փաշինյանը հայտարարել է ԼՂԻՄ տարածքի դեօկուպացիայի խնդիրը բանակցային հարց դարձնելու նպատակի մասին։ Ինչպե՞ս եք գնահատում։
— Ինքը պարտություն է կրել, ինքը հանձնել է մեր տարածքները, ի դեպ հանձնել է մեծ մասը՝ մոտ 80 %-ը առանց պատերազմի։ Եթե ուզում եք ճիշտը իմանալ, ապա 44 օրյա ռազմական գործողությունների ընթացքում Ադրբեջանին հաջողվել է գրանցել մոտ 3000 քմ տարածք մնացած 10000 քմ տարածքը Ադրբեջանը ստացել է սկուտեղի վրա։ Ինչ վերաբերում է իր նախապայմաններին, ապա պետք է նշեմ, որ Բաքուն արհամարած կունենա իր նախապայմանների վրա, քանի որ ինքը հիմա հաղթանակած է և ուժեղի կողմից է հանդես գալիս, իսկ այդ բանակցությունները կարող են կրկին մի 20-25 տարի տևել, ինչ է եղել որ, մինչ այս պատերազմ մենք Մինսկի խմբի բանակցություններում հաղթած կողմ ենք եղել, իսկ վերջում դավաճան Նիկոլը եկավ իշխանության, դիտավորյալ պատերազմ սանձազերծեց, դիտավորյալ այսքան մարդու սպանդի տարավ և դիտավորյալ մեզ տարավ պարտության, իսկ հիմա ինքը ԱԺ-ի ամբիոնից խոսում է նախապայմաններով , իսկ ում են պետք կապիտուլյանտի զառանցանքները։ Դա ոչ օգուտ է տալու պաշտոնական Երևանին, ոչ էլ ընդունվելու է Բաքվի կողմից։ Ես Նիկոլի հայտարարություններին հաշվի չեմ առնի, որովհետև ուղղակի ծիծաղելի է. 5 ամիս առաջ սկուտեղի վրա Ադրբեջանին է հանձնում Արցախի 75 տոկոսը, իսկ հիմա նախապայմաններով է հանդես գալիս, ինչ դեօկուպացիայի մասին է խոսում և ինչու է վստահ, որ իր նախապայմանները կնդունվեն իրեն ծնկի բերած Բաքվի կողմից։ Դե երազելը վատ բան չէ և նա իրեն երկրպագող նիկոլականներին կերակրում է այսպիսի սին ելույթներով` ինչը իր մոտ լավ է ստացվում։ Դե հայտարարում է էլի ով հավատաց լավ, ով ոչ հանգիստ կսպասի մինչև այդ երազանքները կյանքի կկոչվեն։
Սոնա Գիշյան
