Հայկական կողմը ունի բոլոր լեգիտիմ հիմքերը իր շահերը առաջ տանելու համար
ՔԱՂԱՔԱԿԱՆՈՒԹՅՈՒՆ
Երեկ վարչապետը խորհրդարանում որոշակիորեն ուրվագծեց արցախյան բանակցությունների ապագան՝ նշելով, որ դրանք վարվելու են ԼՂԻՄ տարածքի դեօկուպացիայի շուրջ: Փաշինյանն նաև ասաց, որ «անջատում փրկության համար» բանաձևը պետք է բանակցությունների հիմքը լինի: Այս թեմայով 1or.am կայքը զրուցել է քաղաքագետ Ռուբեն Մեհրաբյանի հետ։
— Պարոն Մեհրաբյան, Ի՞նչ եք մտածում վարչապետի երեկվա հայտարարության մասին:
— Ի վերջո փաստն այն է, որ Արցախի կարգավիճակը որոշված չէ, արցախյան խնդիրը լուծված չէ և այն պետք է լուծվի։ Այն բացառապես կարող է լինել Մինսկի խմբի եռանախագահության ձևաչափում, իսկ հայկական կողմը վարչապետի հայտարարությունից ելնելով, ուրվագծում է իր նպատակներն այդ ուղղությամբ։ Իսկ նպատակը հետևյալն է, այո, դա պետք է release with salvation սկզբունքով, այնպես, ինչպես անկախացել է Կոսովոն, այսինքն Արցախը պետք է լիներ Ադրբեջանի կազմից դուրս, որովհետև ցանկացած այլ տարբերակ դա կնշանակի, Հայոց ցեղասպանության կրկնություն Արցախի տարածքում։ Եվ այո, այդ հայկական ինքնորոշումը պետք է ձևակերպվի նախկին ԼՂԻՄ-ի սահմանների շրջանակներում։ Դա այն մինիմումն է, ինչին միանգամայն լեգիտիմ ձևով ձգտում է հայկական կողմը։
— Մինսկի խմբի համանախագահները նախօրեին հայտարարություն են արել՝ կոչ անելով բարձր մակարդակով քաղաքական երկխոսություն սկսել վերջնական և համապարփակ կարգավորման հասնել կողմերին հայտնի տարրերի և սկզբունքների հիմա վրա։ Ինչ մեսիջներ են պարունակում այս հայտարարությունները և արդյոք ուշացա՞ծ չեն։
— Եղել է հայտարարություն և դա իրականում շատ կարևոր հայտարարություն է, որը բխում է հայկական կողմի շահերից։ Հայկական կողմը պետք է առաջ տանի իր շահերը` կապված Արցախի հարցի վերջնական լուծման ուղղությամբ և էլի եմ ասում, որ դրա համար ունի բոլոր լեգիտիմ հիմքերը։
Սոնա Գիշյան
