Ծանոթ ու միաժամանակ անհայտ` Պոլյարոիդ ֆոտոապարատ
ՀԱՍԱՐԱԿՈՒԹՅՈՒՆ
Մարդկության ողջ պատմության ընթացքում ստեղծվել են հսկայական բազմազանություն լուսանկարչական սարքեր: Սակայն դրանցից մեկը ամենայուրահատուկն է, այն ոչ մեկի հետ ոչ մի նմանություն չունի և դա Պոլյարոիդն է: Այդ սարքը հանգեցրել է նոր տիպի սարքերի առաջացման, որոնք հետագայում ստացել են ակնթարթային լուսանկարչական սարքեր անվանումը (կամ մեկ փուլով լուսանկարչական գործընթացի տեսախցիկներ): Անհնար է պատկերացնել, թե ինչպիսին կլիներ այսօր միջին սիրողական լուսանկարչի տեսախցիկը առանց թվային լուսանկարչության: Կարելի է ենթադրել, դա կլիներ նույն Պոլյարոիդը, բայց ավելի թարմացված: Պոլյարոիդի գործունեության սկզբունքն այնպիսին է, որ նկարելուց հետո մի քանի րոպե անց արդեն կարելի է լուսանկար ստանալ, որի տպագրությունը տեղի է ունենում անմիջապես սարքի ներսում: Պոլյարոիդ լուսանկարչական սարքը ի թիվս այլ բաների, նաև ավտոմատ մութ սենյակ է, բայց շատ մանրակերտ:
Պոլյարոիդ ֆոտոխցիկը հորինել է ամերիկացի մի փայլուն գյուտարար՝ Էդվին Լանդը, որը ծննդով Օդեսայից է: Մեծ հետաքրքրություն ունենալով` օպտիկայի և քիմիայի նկատմամբ, նա ստեղծել է Polaroid ընկերությունը, իսկ նրա գլուխգործոց Պոլյարոիդը ոչ միայն եզակի տեսախցիկ էր, այլ նաև գիշերային տեսողության սարք, տարբեր տիպի ռենտգենյան ժապավեններ և շատ ավելի բաներ: Այդ հանճարի շնորհիվ է աշխարհն իմացել այն մասին, թե ինչպես են աշխատում 3D ակնոցները: Աշխարհին անսովոր նորույթներով անընդհատ զարմացնելու կարողության պատճառով 1950 թվականին Polaroid ընկերությունը ստացել է «Գյուտերի գործարան» անվանումը: Գյուտարարի դուստրը կարևոր դեր է խաղացել Պոլյարոիդ տեսախցիկի ստեղծման գործում: Մանկության տարիներին նա հարցրել է Լենդին, թե ինչու լուսանկարը չի հայտնվում նկարելուց անմիջապես հետո: Հորը նման հարց տալով աղջիկը չէր էլ կարող մտածել, որ դրանով նա որոշել է ակընթարթային լուսանկարչության ճակատագիրը: Այդ գաղափարը սկսել է անընդհատ հետապնդել Լանդին: Նոր տեսախցիկի աշխատանքի սկզբունքը հորինվել է մեկ ժամում (սկզբունքը այն է, որ սարքի ներսում լինի մինի ֆոտոլաբորատորիա, որտեղ իրականացվում է լուսանկարի երևակում, ֆիքսում և չորացում մի քանի րոպեի ընթացքում), բայց դրա իրականացման համար պահանջվել է շուրջ երեք տարի: Լուսանկարչության աշխարհը բառացիորեն պայթել է 1946 թվականին նոր Պոլյարոիդ տեսախցիկի ներդրմամբ: Չնայած զգալի ծախսերին, ԱՄՆ-ի բնակչության կեսը այն գնել է, որպես ընտանեկան տեսախցիկ:
1980-ականների վերջը և 1990-ականների սկիզբը «նոր ռուսների» դասի առաջացման ժամանակաշրջանն է, որի խորհրդանիշերն են դարձել կարմրավուն կաշվե բաճկոնը, «Մերսեդես» մեքենան, ոսկե հաստ շղթան և անպայման Պոլյարոիդ ֆոտոապարատը: Ներկայումս Polaroid ընկերությունը մի փոքր կորցրել է իր ժողովրդականությունը, բայց այն դեռ հաջողություններ ունի: Polaroid-ը հիմա արտադրում է կոմպակտ տեսախցիկներ, գրպանի տպիչներ և, իհարկե, տեսախցիկներ (ներառյալ ակնթարթային): Polaroid Z340 ակնթարթային թվային ֆոտոխցիկը ամերիկյան վերջին նորությունն է, որը կարող է օգտագործվել նաև որպես սովորական թվային ֆոտոխցիկ:
Նյութը հրապարակման պատրաստեց Կամո Խաչիկյանը
