Ադրբեջանի նախագահը սպառնացել է Հայաստանին և Ռուսաստանին հակամարտության վերսկսմամբ
ՄԻՋԱԶԳԱՅԻՆ
dni24.com-ն գրում է, որ Իլհամ Ալիևը, որը Ադրբեջանի նախագահն է, սպառնացել է Հայաստանին ու Ռուսաստանին բաց ռազմական բախմամբ: Նրա խոսքով` Ռուսաստանի Դաշնությունն արդեն սկսել է ուժեղացնել իր ռազմական ներկայությունը իր երկրի հետ սահմաններին, ինչը մտահոգություն է առաջացնում իշխանությունների մոտ: Ալիևը նշել է, որ եթե Ռուսաստանը չվերանայի իր սահմաններին զորամիավորումներ տեղակայելու իր ծրագրերը, ապա երկրի իշխանությունները ստիպված կլինեն հրաժարվել Լեռնային Ղարաբաղի տարածքում ռուսական խաղաղապահների տեղակայումից:
Բացի այդ, նախագահը չի բացառել տարածաշրջանում հրադադարի պայմանագրերի խախտման հնարավորությունը:
«Տարածաշրջանի սասանված հավասարակշռությունը կարող է մեզ ստիպել ավելի վճռական գործողությունների դիմել: Հայաստանը կարող է ցանկացած պահի սրել հակամարտությունը այսպես կոչված, «Լաչինի միջանցքով» իր զորքերը Լեռնային Ղարաբաղի տարածք մտնելով: Չի բացառվում, որ Ռուսաստանը օգնի Երևանին սպառազինության արդիականացման գործում», - ասվել է Ալիևի հայտարարության մեջ:
Ռուս զինվորականներն, իրոք, նոր ռազմաբազա են հիմնել Սյունիքի շրջանում: Ըստ Ալիևի` եթե զինվորները չփոխեն իրենց տեղակայման վայրը, ապա Ադրբեջանը ստիպված կլինի իր ուժերը տեղաբաշխել Հայաստանի սահմաններին, որը կհանգեցնի տարածաշրջանում իրավիճակի բարդացման:
Նյութը հրապարակամն պատրաստեց Կամո Խաչիկյանը
