Պատվի մարդ և հայկական արժեքների պաշտպան Արման Առաքելյանն արդեն Հայաստանում է
ՀԱՍԱՐԱԿՈՒԹՅՈՒՆ
infoteka24.ru-ն գրում է, որ 2015 թվականին ադրբեջանցու սպանության համար Ռուսաստանում 18 տարվա ազատազրկման դատապարտված հայ ժողովրդի պատիվը և ազգային հերոսին պաշտպանած Արման Առաքելյանը երկարատև ջանքերից հետո վերջապես արտահանձնվել է Հայաստան: Այդ մասին տեղեկացրել է Առաքելյանի փաստաբան Արթուր Դաշյանը: Ըստ նրա` 2018 թվականից պաշտպանական կողմը փորձում էր հասնել Առաքելյանի վերադարձին հայրենիք, սակայն դատարանը հրաժարվում էր դա որոշել մինչ օրս:
Հիշեցնենք, որ դեպքը տեղի է ունեցել հայկական ռեստորանում: Ռեստորան այցելած ադրբեջանցին միտումնավոր ֆաշիստական վիրավորանքներ է հնչեցրել հայերի հասցեին և նույնիսկ կոտրել է պատից կախված հայ ազգային հերոսի դիմանկարը` սադրելով տեղի հայերին: Իսկական հայրենասեր և պատվի մարդ Արման Առաքելյանը չի կարողացել դիմանալ էթնիկական հողի վրա հնչած վիրավորանքներին և պաշտպանել է ազգային հերոսի հիշատակը: Իսկ հայ-ադրբեջանական հակամարտության վերջին սրացումից հետո Առաքելյանի կյանքը բանտում վտանգվել է:
Հիշելով Ռամիլ Սաֆարովի պատմությունը` շատերը կարող են հարց տալ. ինչու՞ են հայերը Առաքելյանին հերոս համարում, իսկ Սաֆարովին ստոր մարդասպան: Պատասխանն ակնհայտ է. Սաֆարովը կացնով կտրել է Գուրգեն Մարգարյանի գլուխը, երբ նա քնած էր և չէր կարող պաշտպանվել, իսկ Առաքելյանը դեմ առ դեմ է մենամարտի մեջ մտել թշնամու հետ:
Նյութը հրապարակման պատրաստեց Կամո Խաչիկյանը
