Փորձագետները պատմական զուգահեռներ են անցկացրել հայկական ցեղասպանության հետ
ՀԱՍԱՐԱԿՈՒԹՅՈՒՆ
nazaccent.ru-ն գրում է, որ Ռուսաստանում տեղի է ունենում զանգվածային տեղեկատվական աշխատանք Հայոց ցեղասպանության վերաբերյալ պատմական փաստերի կեղծման վերաբերյալ: Այդ մասին մարտի 15-ին Մոսկվայում կայացած «Ցեղասպանությունն ու Առաջին աշխարհամարտը. միջազգային պայմանագրերը. Պատմական զուգահեռներ» միջազգային խորհրդաժողովում հայտարարել է Ռուսաստանում Հայաստանի արտակարգ և լիազոր դեսպան Վարդան Տողանյանը: Նրա դիրքորոշումն աջակցել է Պետդումայի պատգամավոր Կոնստանտին Զատուլինը, որը բացասաբար է գնահատել փորձագետների, մասնավորապես քաղաքական և հասարակական գործիչ Մաքսիմ Շևչենկոյի ելույթները, և նրան անվանել է Թուրքիայի շահերի լոբբիստ։ Ըստ Զատուլինի` «ինքը Դոն կազակ է, և Ռուսաստանի և Թուրքիայի միջև 13 պատերազմից հետո կարիք չունի բացատրել, թե ով է թշնամի, և ով ընկեր, և ինքը գիտի, որ ցեղասպանությունը ճանաչվել է շատ երկրների կողմից, բայց չի ճանաչվել Թուրքիայի կողմից»:
Հանդիպման մասնակիցները քննարկել են նաև Առաջին համաշխարհային պատերազմից հետո պատմական և քաղաքական իրավիճակին վերաբերող հարցեր, միջազգային պայմանագրերի ստորագրման քաղաքական, իրավական, բարոյական, հոգեբանական և պատմական հիմքերը, որոնք ազդել են միջազգային հարաբերությունների նոր համակարգի ձևավորման վրա:
Պատմական հեռանկարների հիմնադրամի ղեկավար Նատալիա Նարոչնիցկայան հիշեցրել է, որ հարյուր տարին մեկ անգամ Թուրքիան փորձում է ամրապնդել իր աշխարհաքաղաքական դիրքը.
«Բոլշևիկները Թուրքիային են տվել Ռուսական կայսրության տարածքի մի մասը, և ներկայումս մենք քաղում ենք 20-րդ դարի սկզբի բոլշևիկյան քաղաքականության պտուղները»:
Ըստ Ռուսաստանի հայերի միության նախագահ Արա Աբրահամյանի` հարյուր տարի առաջ ստորագրվել են համաձայնագրեր, որոնք սահմանել են սահմանները Անդրկովկասի տարածաշրջանում.
«Ցավոք, այդ ժամանակ Հայաստանը կորցրել է իր տարածքի 30% -ը, այդ թվում նաև ամենակարևոր խորհրդանիշներից մեկը հանդիսացող Արարատ լեռը: Ներկայիս համաժողովը տեղի է ունենում տարածաշրջանային բարդ, երբեմն դրամատիկ իրադարձությունների ֆոնին. կարծես վերապրում ենք մեկ դար առաջ եղածը, և սահմանների ու հայապահպանության խնդիրները կրկին արդիական են»:
Նշենք, որ Մոսկվայի պայմանագրի ստորագրման հարյուրամյակին նվիրված այդ խորհրդաժողովը կազմակերպել էր Ռուսաստանի հայերի միությունը Մոսկվայի կառավարության աջակցությամբ:
Նյութը հրապարակման պատրաստեց Կամո Խաչիկյանը
