COVID-19-ով հիվանդացածները բողոքում են «ուղեղային մշուշից»
ՀԱՍԱՐԱԿՈՒԹՅՈՒՆ
rambler.ru-ն գրում է, որ ըստ մայրաքաղաքային Ալեքսեևի անվան Հոգեբուժական հիվանդանոցի գլխավոր բժիշկ Կոստյուկի COVID-19-ով հիվանդացածները բողոքում են «ուղեղային մշուշից» և նրանց վիճակը բնութագրվում է, որպես տագնապային, լինում են քնի խանգարումներ և դեպրեսիվ վիճակներ: Կոստյուկը շեշտել է, որ «ուղեղի մշուշը» ծագում է վարակի վերջում: Բուն այդ տերմինը, նրա խոսքով, ընդունվել է հիմնվելով այն նկարագրությունների վրա, որոնցով բժիշկների հետ կիսվում են վերականգնվող հիվանդները: Հոգեբուժարանի գլխավոր բժիշկը բացատրել է, որ մարդիկ բողոքում են ճանաչողական խանգարումներից, անքնությունից և հուզական անկայունությունից: Միևնույն ժամանակ, նա չի բացառել, որ մի շարք դեպքերում կարող է խոսք լինել «ոչ կովիդային» խանգարումների մասին, որոնք առաջանում են, օրինակ, տեղեկատվության գերհագեցումից:
Ավելի վաղ, Rambler-ը հայտնել էր կորոնավիրուսային վարակի ոչ տիպիկ ախտանիշների մասին: Ինդիանայի համալսարանի բժշկական դպրոցի դոցենտ Նատալի Լամբերտը ասել է, որ COVID-19 հիվանդներըի մոտ լինում են այնպիսի հիվանդության նշաններ, որոնք չկան պաշտոնական ցուցակներում: Օրինակ՝ մարդիկ բողոքում են անքնությունից, ոտքերի այրումից, մազերի կորստից, հիշողության բացթողումներից, մաշկի ցաներից, սրտի հետ կապված խնդիրներից և դեմքի ու մարմնի թմրությունից: Հիվանդները հայտնում են, որ այդ ախտանիշներն արտահայտվում են բուժվելուց ամիսներ անց: Լամբերտը համոզմունք է հայտնել, որ COVID-19-ի երկարաժամկետ հետևանքների հարցը պետք է ուշադիր ուսումնասիրվի, քանի որ դա դժվար թե սթրեսի հետևանք լինի:
