Հեյ՛ տղա, ուզու՞մ ես Ամերիկա․ Սորոսի հիմնադրամի աշխատակիցը գաղտնազերծել է հավաքագրման սխեման Ռուսաստանում և Հայաստանում
ՀԱՍԱՐԱԿՈՒԹՅՈՒՆ
tsargrad.tv-ն գրում է, որ RIA FAN- ի հատուկ թղթակից Աբբաս Դժուման հարցեր է տվել Սորոսի հիմնադրամի մի այնպիսի աշխատակցի, որը ներսից գիտի «ժողովրդավարության համար պայքարողների» ներքին «խոհանոցը»: Զրուցակցի անունը չի հրապարակվել, նա համաձայնել է բացահայտումների լիակատար անանունության պայմանով: Բայց նա, ինչպես ասում են, սեղանին է դրել ապագա «սորոսականի» ուսուցման ամբողջ սխեման: Մասնավորապես, նա խոսել է այն մասին, թե ինչպես են պատանիներին հրապուրում Միացյալ Նահանգներ, իսկ հետո, փաստացի, հավաքագրում «ժողովրդավարության համար պայքարողների» շարքերում:
«Գաղափարական նպատակն այն է, որ կառուցվի հասարակություն, որտեղ չկան վերջնական ճշմարտություններ, որտեղ մարդիկ մասնակցում են քաղաքական և քաղաքացիական գործընթացներին», - ասել է աղբյուրը:
Խոսելով 2018 թվականին իշխանության եկած հայ պաշտոնյաների մասին` անանուն աղբյուրը ուշադրության է հրավիրել այն փաստի վրա, որ «դրանք բոլորը մարդիկ են, որոնք երբեք չեն աշխատել պետական համակարգում»: Կա ևս մեկ բան, որը, ըստ ԴԺումայի զրուցակցի, միավորում է հայ նոր «քաղծառայողներին»՝ «նրանց փողերը, որոնք չեն վերահսկվում պետության կողմից»: Այդ մարդիկ, ինչպես նշել է զրուցակիցը, իրենց կրթությունը ստանում են ոչ թե Հայաստանում, այլ Ամերիկայում, Մեծ Բրիտանիայում, Եվրոպայում և երբեմն անգամ Ռուսաստանում: Բազմաթիվ ծրագրեր են օգտագործվում «սորոսականներ» պատրաստելու համար:
«Սորոսականներ» հավաքագրողները աշխատում են ըստ պարզ սխեմայի. նրանք առաջարկում են 15-ամյա երեխաներին «մարզերից», որոնք նախկինում երբեք չեն եղել արտերկրում, անգլերեն սովորել Ամերիկայում և նույնիսկ ապրել ամերիկացի ընտանիքի հետ: «Մեկը գալիս է ձեզ մոտ և ասում. « Եթե հանձնեք անգլերեն լեզվի թեստը, կկարողանաք սովորել այն նահանգում, որը տեսել եք ֆիլմերում»», - որպես հավաքագրման սխեմայի օրինակ է բերել աղբյուրը:
Իրականում կարևոր է իմանալ լեզուն, որպեսզի ուսանողին կարողանան անգլերեն բացատրել ամեն ինչ, և կարևոր է նաև, թե ինչ ընտանիքում է պատանին մեծանում, նրա համար պետք է ԱՄՆ-ում գտնել առավել հարմարավետ «ընդունարան»: Փաստորեն, Սորոսի նորակոչիկներին անհրաժեշտ է 15-16 տարեկանի «մաքուր թուղթ»: Դա այն տարիքն է, երբ ամենահեշտն է «ձուլել» ապագա «ազատության և ժողովրդավարության մարտիկին»:
«Իսկ տպավորությունները, որոնք ստացվում են, մնում են մարդու հետ ցմահ: Դա արվում է նաև դիտավորյալ», - ընդգծել է զրուցակիցը:
Նյութը հրապարակման պատրաստեց Կամո Խաչիկյանը
