Հայաստանում ցանկանում են պահպանել խորհրդային շրջանի օդանավակայանը որպես մոդեռնիզմի գլուխգործոց
ՀԱՍԱՐԱԿՈՒԹՅՈՒՆ
riafan.ru-ն գրում է, որ Հայաստանում նախատեսվում է վերականգնել և շահագործման հանձնել գրեթե կես դար առաջ կառուցված և ներկայումս լքված «Զվարթնոց» օդանավակայանի շենքը:
Վերականգնելը կամ քանդելը այն հարց է, որը վերաբերում է խորհրդային շրջանի այդ մոդեռնիզմի գլուխգործոցին: 49 տարի առաջ ԽՍՀՄ-ում կառուցվել է օդանավակայանի տերմինալ նախատեսված ժամում 2500 ուղևորների սպասարկման համար: 40 տարի անց այն ամայացել է և լքվել: Այդ օդանավակայանը գտնվում է Հայաստանի տարածքում: 2018 թվականին ընկերությունը, որը զբաղվում էր այդ կառույցի սպասարկմամբ հայտարարել էր, որ նախատեսվում է քանդել այդ խորհրդային շրջանի կառույցը: Սակայն այդ հին տերմինալը պատկանում է պետությանը, և պետությունն էլ պետք է որոշի նրա ճակատագիրը:
«Տվյալ կառույցը վերապրոֆիլացնելը, վերագործարկելը կամ պահպանությունը իրականացնելը հեշտ գործ չէ: Միշտ անհրաժեշտ են որոշակի նախադրյալներ, որոնք տեսանելի են նոր սերնդի ավիացիոն օպերատորների՝ լոուկոստերային ավիաընկերությունների մոտ: Նրանք շատ են շահագրգռված նման տեսակի օդանավակայանների օգտագործման մեջ, ինչը, կարծում եմ, շատ դրական ազդեցություն կունենա հենց այդ կառույցի ապագայի վրա», - ասել է օդանավակայանի գլխավոր ճարտարապետի թոռ Արտավազդ Թարխանյանը:
Օդանավակայանի գլխավոր ճարտարապետի թոռան խոսքով՝ օդանավակայանի վերակազմավորման ուղղությամբ մի քանի տարի առաջ իրականացվել են ինժեներա-հետազոտական աշխատանքներ: Մասնագետները հասկացել են շինարարների գաղափարը: Պարզվել է, որ օդանավակայանը հեշտությամբ կարելի է արդիականացնել: Ճարտարապետական համայնքը իր հերթին ցանկանում է պահպանել այդ օդանավակայանը որպես մոդեռնիզմի գլուխգործոց-հուշարձան:
Նյութը հրապարակման պատրաստեց Կամո Խաչիկյանը
