Մասկը Պուտինին զրուցելու է հրավիրել
ՄԻՋԱԶԳԱՅԻՆ
SpaceX-ի և Tesla-ի հիմնադիր Իլոն Մասկը Ռուսաստանի նախագահ Վլադիմիր Պուտինին հրավիրել է խոսել clubhouse հավելվածում, որը ստեղծվել է ձայնային շփման և առցանց կոնֆերանսների համար: Իր առաջարկը նա գրել է Twitter-ում։
Իր հաղորդագրության մեջ Մասկը նշել է Կրեմլի @KremlinRussia_E անգլալեզու հաշիվը և առաջարկել միանալ իրեն հավելվածում զրույցի համար:
«Մեծ պատիվ կլիներ խոսել Ձեզ հետ»,- հավելել է նա ռուսերենով:
Գործարարը սոցցանցերում առաջին անգամ չէ, որ ռուսերեն է գրում ։ Հունվարին նա գնահատել է խորհրդային կոնստրուկտոր Սերգեյ Կորոլյովի ներդրումը համաշխարհային տիեզերագնացության մեջ։ Գործարարի խոսքով ՝ Կորոլյովը «հոյակապ էր»։
Իր հերթին․ Վլադիմիր Պուտինը հիշատակել է Իլոն Մասկին, երբ նրա հետ համեմատել է համակարգչային վիրուսներ մշակող ընկերության հիմնադիր և ղեկավար Եվգենի Կասպերսկու հետ: Նախագահի կարծիքով ՝ Կասպերսկին իր մարզում «ոչնչով չի զիջում» ամերիկացի գործարարին։
