Ինչ կենսագրություն ունի ՀՀ պետգույքի կառավարման կոմիտեի նախագահ Գարիկ Սարգսյանը

Ինչպես արդեն հայտնել ենք, Արարատի նախկին մարզպետ Գարիկ Սարգսյանն այսօր նշանակվել է ՀՀ պետգույքի կառավարման կոմիտեի նախագահ։ 

1994-2004 թվականներին սովորել է Նոր Կյանք գյուղի միջնակարգ դպրոցում: Դպրոցն ավարտել է գերազանց առաջադիմությամբ:

2004 թվականին ընդունվել է Երևանի պետական համալսարանի «Միջազգային հարաբերություններ» ֆակուլտետի «Դիվանագիտություն» բաժին:

2005-2007 թվականներին ծառայել է ՀՀ Զինված Ուժերում:

Զորացրվելուց հետո՝ 2007 թվականից, շարունակել է ուսումը: Բակալավրիատն ավարտել է 2010 թվականին:

2010-2012 թվականներին սովորել է ԵՊՀ «Եվրոպական ուսումնասիրությունների կենտրոն (CES)»-ում՝ ստանալով մագիստրոսի աստիճան՝ եվրոպագետի որակավորմամբ:

ՀՀ-ում աշխատանք չգտնելով՝ 2012-2015 թվականներին մեկնել է Ռուսաստանի Դաշնություն, որտեղ զբաղվել է ձեռնարկատիրական գործունեությամբ:

2016 թվականի ապրիլյան քառօրյա պատերազմից հետո՝ «Քաղաքացիական պայմանագիր» կուսակցության ջոկատի հետ մեկնել է Արցախ` մասնակից լինելու սահմանի պաշտպանությանը։

2015 թվականի մայիսի 30-ից հանդիսանում է «Քաղաքացիական պայմանագիր» կուսակցության հիմնադիր անդամ: Նախաձեռնող խմբի կազմում մասնակցել է կուսակցության կանոնադրության և ծրագրի մշակման աշխատանքներին: Ղեկավարել է «Քաղաքացիական պայմանագիր» կուսակցության Նոր Կյանքի տարածքային կառույցը:

2016 թվականի սեպտեմբերի 18֊ին ընտրվել է Նոր Կյանքի համայնքապետ։

2016 թվականի հոկտեմբերի 30-ին ընտրվել է «Քաղաքացիական պայմանգիր» կուսակցության վարչության անդամ:

2018 թվականի մայիսի 31-ին նշանակվել է Արարատի մարզպետ։

2018 թվականի դեկտեմբերի 9-ին կայացած արտահերթ խորհրդարանական ընտրություններում Արարատի մարզն ընդգրկող թիվ 5 ընտրատարածքում լինելով «Իմ քայլը» դաշինքի ռեյտինգային թեկնածուներից մեկը՝ ստացել է 22 604 ձայն:

2019 թվականի հունվարի 4-ին հրաժարվել է պատգամավորական մանդատից։ 

2020թ-ի դեկտեմբերի 9-ին՝ սեփական դիմումի համաձայն Գարիկ Սարգսյանն ազատվել է պաշտոնից։