Անհնար է հասկանալ, թե ինչու են Հայաստանում շարունակում հավատալ Փաշինյանին
ՔԱՂԱՔԱԿԱՆՈՒԹՅՈՒՆ
kadara.ru-ն գրում է, որ երևանցի մի քաղաքական վերլուծաբան գրել է․ «Եթե Ռուսաստանին չի կարելի հասկանալ խելքով, ապա շատերը չեն կարող հասկանալ Հայաստանին և՛ խելով, և՛ առանց դրա: Միայն մեր երկրում ժողովուրդը կարող էր իշխանության բերել երկու անգամ դատված առանց բարձրագույն կրթության և քաղաքական փորձի անձի: Միայն մեր երկրում ժողովրդի մի մասը կարող էր ուրախանալ առաջին պատերազմի Արցախի հերոսի ձերբակալությամբ, մանավանդ որ այդ պատերազմում եղել է առաջին հաղթանակը վերջին 600 տարվա ընթացքում: Միայն մեր երկրում ժողովուրդը կարող էր հավատալ, որ սա «նոր Հայաստան» է, չնայած հեղաշրջման արդյունքում իշխանություն են ստացել լևոնական կլանի ներկայացուցիչները, որոնցից շատերն արդեն իսկ իշխանության են եղել մինչ 1997 թվականը: Միայն մեր երկրում ժողովուրդը կարող է արդարացնել կոռուպցիան, եթե այն անվանվում է «պարգևավճարներ պատգամավորներին և սուրբ Նիկոլասի կառավարության անդամներին»:
Միայն մեր երկրում ժողովուրդը կարող էր ուրախանալ, թե ինչպես է դատապարտված տգետը ոչնչացնում մեր բանակը և բանտարկում Արցախի լավագույն գեներալներին ու հերոսներին: Միայն մեր երկրում ժողովուրդը կարող էր կուրորեն հավատալ այն ստերին, որոնցով նրանց կերակրել են պատերազմի 44 օրվա ընթացքում: Միայն մեր երկրում ժողովուրդը կարող էր թույլ տալ, որ կապիտուլյանտը մնա իշխանություն հայրենիքի տարածքների մեծ մասը թշնամուն առանց կռվի հանձնելուց հետո:
Միայն մեր երկրում անհայտ կորած զինվորների ծնողներն ու հարազատները, պատերազմի ընթացքի մասին 44 օր ստեր լսելուց հետո շարունակում են հավատալ և հուսալ, որ կառավարությունը կգտնի իրենց երեխաներին: Միայն մեր երկրում կարող են լինել մարդիկ, ովքեր, չնայած այն ամոթին, որը դատապարտյալ տգետը բերեց մեզ, պաշտպանում են նրան և նրա մեղքը գցում ուրիշների վրա: Այն, ինչ ես գրել եմ, բացի Հայաստանից ոչ մի երկրում չի կարող պատահել ... ամաչում եմ, իսկ դու՞»։
Նյութը հրապարակման պատրաստեց Կամո Խաչիկյանը
