2021 թվականի անակնկալները. ի՞նչ է հուշում տիեզերքը՝ կանխատեսում է աստղաբանը
ՀԱՍԱՐԱԿՈՒԹՅՈՒՆ
Անցնող տարին լի էր փորձություններով և տուրբուլենտային ցնցումներով ողջ մոլորակի համար: Թե՛ տնտեսական, թե՛ քաղաքական առումներով տարբեր երկրներ իրենց վրա զգացին 2020 թվականի ՝ առնետի տարվա կողմից մարդկությանը նետած մարտահրավերները: Հայաստանը ևս անմասն չմնաց փորձություններից, իսկ Արցախի դեմ սանձազերծված ադրբեջանա-թուրքական ահաբեկչական պատերազմը իսկական պատուհաս դարձավ մեր երկրի ու ողջ հայ ժողովրդի համար:
Ինչպիսին կլինի 2021 թվականը Հայաստանի և ողջ աշխարհ համար: Այս և այլ հարցերի մասին է 1or.am-ի զրույցը աստղաբան Գայանե Սարգսյանի հետ:
- Տիկին Սարգսյան, 2020 թվականը բավականին լարված տարի էր և՛ Հայաստանի և՛ ողջ աշխարհի համար: Խնդրում եմ ասեք, ընդհանուր առմամաբ ինչպիսին կլինի 2021 թվականը ողջ աշխարհի և հատկապես Հայաստանի համար:
- 2021 թվական ենք մուտք գործում երկու հսկա մոլորակների՝ Սատուրնի ու Յուպիտերի միավորմամբ: Նրանց միացումը տեղի է ունեցել 2020թ-ի դեկտեմբերի 21-ին Ջրհոսի կենդանակերպում, որը մոտակա քսան տարիների ծրագիր է ներկայացնում մեզ բոլորիս: Խոսելով Ջրհոսի կենդանակերպի մասին, պետք է ասեմ, որ այն սահմաններ չի ճանաչում՝ ապագայի, նորարարական գաղափարների, վիրտուալ իրականության, ռեֆորմների, օն -լայն տիրույթի՝սոցկայքեր, շփման օնլայն հարթակներ կարգավորող կենդանակերպն է:
Մինչ այդ՝ մոտ 1տարի, այդ մոլորակները կուտակվել էին Այծեղջյուրի կենդանակերպում, որտեղ գտնվում էր նաև ավերիչ Պլուտոն մոլորակը: Նրանց միավորմամբ էլ պայմանավարված էր նախորդ տարվա թագավարակի տարածումը ողջ աշխարհում ու նաև մեր երկրում: Բացի այդ, տեղի ունեցող ներքաղաքական լարված իրավիճակն ու զարհուրելի պատերազմը, որի ծավալման համար բացառիկ անբարենպաստ մոլորակային դիրքավորումներ էին ձևավորվել և լարված կոնֆիգուրացիաներ ստեղծել ագրեսիվ Մարսի հետ: Ինչպես գիտենք, Այծեղջյուրը կարևորագույն դեր ունի մեր երկրի համար, նաև նրա ազդեցության տակ են գտնվում պետական, ադմինիստրատիվ կառավարման մարմինները, պետական սահմանները ևայլն:
- Վերջին անգամ ե՞րբ են մոլորակների նման լարված ասպեկներ եղել տիեզերքում:
-Սատուրնը վերջին անգամ Այծեղջյուրի կենդանակերպում գտնվել է 1988թ-ի փետրվարից՝ մինչ 1991թ փետրվարը, 2017-ի դեկտեմբերից մինչև 2020 թ-ի դեկտեմբերը: Իսկ հսկա բարեգործ Յուպիտերն Այծեղջյուրի կենդանակերպում գտնվել է 2008 թ-ի ողջ տարվա ընթացքում, ինչպես նաև 2020 թ-ի մինչև դեկտեմբերի 20-ը: Այսպիսով՝ 2020 թվականը մենք ապրել ենք այդ երկու սոցիալական մոլորակների ցիկլերի ազդեցությունների տակ միաժամանակ, որտեղ ավերիչ ֆոնն ապահովում էին Պլուտոն ու ագրեսիվ Մարս մոլորակների անբարենպաստ դիրքավորումները: Լավ է, որ վերջապես ավարտվեց այս ապոկալիպսիկ տարին և մենք վերջապես օդ կշնչենք, բայց լարված իրավիճակներ դեռ հնարավոր է ունենանք: Առավելապես լարված կլինեն ձմեռն ու ամառը, իսկ համեմատաբար հանգիստ՝ գարունն ու աշունը:
- Ինչպե՞ս կսկսվի 2021 թվականը, ի՞նչ անակնկալներ դեռ կարող են լինել:
-2021-ի հունվար ամսին կրկին կպահպանվի լարված ֆոնը, բայց դա հոկտեմբերյան լարվածությունը չի լինի, քանի որ Մարս մոլորակն իր օթևանից անցում է կատարում Ցուլի կենդանակերպ,որտեղ նրա հնարավորությունները բավականին սահմանափակ են, բայց նրա միացումը Ուրան մոլորակի, Սև Լուսնի հետ ու լարված դիրքավորումը Սատուրնի ու Յուպիտերի,իսկ հետագայում՝ Մերկուրի մոլորակի հետ, Ջրհոսի կենդանակերպում,որի դեկավարը Ուրան մոլորակն է՝ դժվարություններ կարող է առաջացնել ֆինանսաբանկային համակարգում, արտարժույթի, դրամաշրջանառության հետ կապված հարցերում: Անկայուն իրավիճակ կարող է առաջանալ նաև մեդիա տիրույթում, սոցկայքերում, որտեղ կգերակշռեն հեղափոխական տրամադրություները, կեղծ լրատվությունը, շանտաժը, սադրանքները: Կանախտեսվում է, որ կբացահայտվեն լուրջ ֆինանսական խախտումներ, կգաղտնազերծվեն փակ ու անհասանելի պայմանավորվածություններ ու փաստաթղթեր: Ինֆորմացիոն պատերազմը ընդհատակում կգործի նահանջող Մերկուրու ժամանկահատվածում՝ փետրվարի սկզբից մինչև 21ը: Քանի որ նահանջող Մերկուրին բարենպաստ պայմաններ է ստեղծում ինֆեկցիոն հիվանդունների ինկուբացիոն փուլի համար,ապա այդ ժամանակահատվածը կարող է նպաստավոր լինել նոր վիրուսի բռնկման կամ թագավարակի մուտացիոն տեսակի տարածման համար:
- Տիկին Սարգսյան, այն ինչ նշեցիք, կարող ենք ասել, որ հուշում է այն մասին, թե ինչ անակնկալներ կարող են լինել, իսկ ի՞նչ դրական փոփոխություններ են սպասվում եկող տարվա ընթացքում:
- Այժմ ներկայացնեմ մոլորակների դրական ազդեցությունները մոտակա ամիսների համար: Սատուրն ու Յուպիտեր մոլորակների միավորումը լավագույն ժամանակահատված է նոր ծրագրերի ստեղծման, կյանքի նոր փուլ մտնելու, այն նորարական գաղափարներով համալրելու համար: Ապագայի գիտությունը՝ ԱՍՏՂԱԲԱՆՈՒԹՆՈՒՆԸ, ուսումնասիրելու ու սովորական մտածողության սահմաններից դուրս գալու՝ առավելապես բացառիկ բարենպաստ ժամանակահատված է: Շեշտը կարելի դնել ապագայում առավելապես պահանջարկ ունեցող մասնագիտությունների, օն-լայն ուսուցման, IT ոլորտի զարգացման վրա: Պետք է զարգացնել ռազմական ինդուստրիան, որտեղ անպայման պետք է ներդրվեն նորագույն տեխնոլոգիաներ: Առավելապես շեշտը պետք է դնել թռչող, օդային օբյեկտների ու հեռակարավառվող սարքերի նորացված մոդելների ստեղծման վրա: Ոչ հեռու ապագայում կամաց-կամաց կանցնենք առցանց վճարման համակարգին,ժամանակի ընթացքում թղթադրամը կփոխարինվի բանկային քարտերով․
- Իսկ ի՞նչ կասեք կառավարման համակարգում սպասվող փոփոխությունների մասին:
- Պետական կառավարման համակարգում սուր կերպով կդրվի նոր կառավարություն ունենալու պահանջը: Այլևս հին կառավարման մոդելները արդիական չեն լինի: Պետք է համախմբել տարբեր գաղափարախոսություններ ու տեսլականներ ներկայացնող ուժերի, կուսակցությունների, անհատների, որի արդյունքում հնարավոր կլինի ունենալ նոր Հայաստան: Նոր ծրագրերն իրենց արտացոլումները պետք է ունենան մեր երկրի հիմնի, զինանշանի, սահմանադրական ու իրավական հարթությունների վրա: Այսինքն՝ մեծ բարփոխումների ժամանակահատված է լինելու, որը, փաստորեն, պարտադրելու է տիեզերքը: Չնայած մեր երկրին պատուհասած խնդիրներին, հասարակության շրջանում տիրող մեծ վշտի ու կորստի մեծ ալիքին, այնուամենայնիվ կյանքը կպարտադրի մեզ գոտեպնդվել ու առաջ շարջվել առաջ:
Արմինե Գրիգորյան
