Զինվորական համազգեստով մեկը մոտեցել է Շուշիում զոհվածի մորն ու ասել՝ դուք էս ի՞նչ եք անում, դուք իրավունք չունեք երթին խանգարելու, Եռաբլուր գալու. Մարգարիտա Խաչատրյան (տեսանյութ)
ՀԱՍԱՐԱԿՈՒԹՅՈՒՆԶինվորական համազգեստով մեկը մոտեցել է Շուշիում զոհվածի մորն ու ասել՝ դուք էս ինչ եք անում, դուք իրավունք չունեք երթին խանգարելու, Եռաբլուր գալու. այս մասին այսօր Եռաբլուրում ասաց «Զինվորի մայր»ՀԿ նախագահ Մարգարիտա Խաչատրյանը:
«Դու իրավունք չունես Եռաբլուր գալու, մի կողմից հուղարկավորություն է, իսկ դու եկել, սևազգեստ մայերին ես վարկաբեկում: Թուրքիա ավելցուկը մեզ մոտ մտնելու իրավունք չունի»,- ասաց նա:
Նիկոլ Փաշինյանի՝ երթին մասնակցելու մասին Խաչատրյանն ասաց, որ բանակ չծառայած դասալիքն իրավունք չունի Եռաբլուր գալ, զինվորի շիրիմին մոտենալ ու ասել, թե խոնարհվում է: «Ալիևի կոշիկը լիզողն ի՞նչ իրավունք ունի զինվորների շիրիմին մոտենալ ու ասել՝ խոնարհվում եմ: Երեխեքին մսաղաց ես տվել ու պրծել: Եթե տալու էիր Արցախը, շուտ տայիր, որ այսքան զոհ չունենա»,-ասաց նա:
Հիշեցնենք, որ զոհվածների հարազատներն ու ազատամարտիկները «Եռաբլուր» զինվորական պանթեոնում են՝ խոչընդոտելու Նիկոլ Փաշինյանի մուտքը Եռաբլուր։ Նշենք, որ այսօր Հանրապետության հրապարակից մեկնարկում է երթ դեպի Եռաբլուր։
