«Փոփոխություններ արդեն տեղի են ունեցել». ինչպե՞ս կազդի Փաշինյանի հեռանալը Ղարաբաղի իրավիճակի վրա
ՔԱՂԱՔԱԿԱՆՈՒԹՅՈՒՆ
info24.ru-ն գրում է, որ Հայաստանում ընդդիմության բողոքները չեն դադարում: Ցուցարարները պահանջում են գործող վարչապետ Նիկոլ Փաշինյանին անհապաղ հրաժարական տալ, որը, ըստ երևույթին, չի պատրաստվում հեռանալ: Info24-ը փորձագետներին խնդրել է գնահատել քաղաքական գործչի իշխանությունը պահպանելու շանսերը, ինչպես նաև կանխատեսել, թե ինչպես նրա հնարավոր հեռացումը կազդի տարածաշրջանի իրավիճակի վրա:
Ըստ «Ազգային պաշտպանություն» ամսագրի գլխավոր խմբագիր Իգոր Կորոտչենկոյի, եթե Փաշինյանը լքի իր պաշտոնը, ապա Հայաստանի նոր ղեկավարը կարող է պահանջել վերանայել Ռուսաստանի, Ադրբեջանի և Հայաստանի միջև եռակողմ պայմանագիրը:
«Փաշինյանի հեռանալը կնշանակի անբարենպաստ միտումներ եռակողմ համաձայնագրի իրագործման առումով, քանի որ նոր քաղաքական գործիչը, որը կզբաղեցնի իր տեղը, կբացարկի այս փաստաթղթի դրույթները: Դա կլինի սողացող վերանայում, որը կարող է հանգեցնել իրավիճակի սրման: Հնարավոր է նաև, որ Հայաստանի կողմից արտաքին աջակցություն լինի հենց Լեռնային Ղարաբաղի տարածքում հակաադրբեջանական և հակառուսական սադրանքներ նախաձեռնելու համար: Ուստի, Փաշինյանի հեռանալը, իմ կարծիքով, բացասաբար կանդրադառնա խաղաղ կարգավորման գործընթացի վրա և կարող է կասկածի տակ դնել եռակողմ համաձայնագրով Հայաստանի կողմից որոշակի պարտավորությունների կատարումը»,- ասաց նա Info24-ին:
Քաղաքագետ Եվգենի Միխայլովը կարծում է, որ ներկայիս վարչապետը մոտ ժամանակներս կլքի իր պաշտոնը և Հայաստանին գոնե երկու անգամ քաղաքական էլիտաների փոփոխություն է սպասվում: «Կարծում եմ, որ Ամանորից առաջ Փաշինյանին, միևնույն է, գահընկեց են անելու: Նույնիսկ հաշվի առնելով այն փաստը, որ այժմ նա դիմադրում է և նույնիսկ ճնշում գործադրում ընդդիմության վրա: Նրանից հետո եկողը ամեն դեպքում կդառնա միայն անցումային լիդեր: Այդ դեպքում Հայաստանը հնարավորություն կունենա ընտրելու մի անձնավորության, որը կկարողանա բանակցել հարևանների հետ հետպատերազմյան պայմանավորվածության շուրջ: Երկիրը զարգացնելու համար անհրաժեշտ է ինչ-որ կերպ համաձայնության գալ Թուրքիայի և Ադրբեջանի հետ սահմանների բացման շուրջ: Կարծում եմ, որ այդ ժամանակ տարածաշրջանում խաղաղություն կհաստատվի: Միևնույն ժամանակ, Երևանի համար գլխավորը քաղաքացիական պատերազմը կանխելն է»,- ասել է նա Info24-ին:
Քաղաքագետ Սերգեյ Մարկովի կարծիքով անկախ նրանից, թե Փաշինյանը կպահպանի իշխանությունը, Հայաստանի կուրսը կդադարի լինել արևմտամետ: «Փոփոխություններն արդեն տեղի են ունեցել: Հիմա Հայաստանի ընթացքը չի կարող լինել այլ բան, քան ռուսամետ լինելը: Եթե նա դառնա արևմտամետ, ապա Ռուսաստանը, որի խաղաղապահներն այժմ երաշխավորում են հայերի ներկայիս ներկայությունը Ղարաբաղում, պարզապես կօգնի Ադրբեջանին լիարժեք վերահսկողություն հաստատել այս տարածքի վրա»,- հավելել է քաղաքագետը:
Նյութը հրապարակման պատրաստեց Կամո Խաչիկյանը
