Նշվել է COVID-19 հիվանդության գլխավոր հետևանքներից մեկը
ՀԱՍԱՐԱԿՈՒԹՅՈՒՆ
vz.ru-ն գրում է, որ Ջորջ Մեյսոնի համալսարանի համակարգային կենսաբանության դպրոցի պրոֆեսոր Անչա Բարանովայի կարծիքով կորոնավիրուսային վարակի հետևանք պետք է համարվի մարմնի վաղ ծերացումը:
Ըստ Բարանովայի` նոյեմբերին հրապարակվել են մի խումբ բժիշկների աշխատանքի արդյունքներ, որոնք հետազոտել են այն մարդկանց, որոնք ունեցել են թեթև և միջին ծանրության COVID-19 վարակ:
«Այդ բոլոր հիվանդները բուժվել են ամբուլատոր, և եթե անգամ եղել են հոսպիտալացումներ, ապա ոչ թե ըստ ցուցումների, այլ այն պատճառով, որ այդ պահին բոլորին էին հոսպիտալացնում: Նույնիսկ շատ թեթև հիվանդ մարդկանց մոտ 70% -ի մոտ արձանագրվել է որոշ ներքին օրգանների պաթոլոգիաներ: Սակայն հիմնական պաթոլոգիան չի եղել սրտային, այլ հիմնականում արձանագրվել է ճարպային հեպատոզ (լյարդի ախտահարում) և ենթաստամոքսային գեղձի հյուսվածքի ճարպային ախտահարումներ: Սովորաբար նման ախտորոշումներ տրվում են 60 և ավելի մեծ տարիքի մարդկանց, իսկ հետազոտվող խմբի միջին տարիքը եղել է 40 տարեկան»,- Բարանովայի խոսքերն է մեջբերել ՌԻԱ Նովոստին:
«Ես կասեի, որ կորոնավիրուսը, խլելով օրգանիզմի ռեսուրսները, մոտեցնում է մարդկանց ծերությունը»,- ասել է պրոֆեսորը:
Բարանովան կոչ է արել մանրամասն ուսումնասիրել կորոնավիրուսային վարակի հետևանքները:
«Պետք է սկսել իրականացնել բուժված կորոնավիրուսով հիվանդների հետագա խմբային ուսումնասիրություններ. անց կացնել լաբորատոր հետազոտություններ, ընդ որում ոչ մեկ անգամ և տեսնել, թե ինչ է տեղի ունեցել: Դրանով պետք է զբաղվել: Նշեմ նաև, որ նման աշխատանքներ արդեն իսկ սկսվել են իրականացվել»,- ավարտել է Բարանովան:
Նյութը հրապարակման պատրաստեց Կամո Խաչիկյանը
