Բժիշկները հայտնել են COVID-19-ից հետ կապված մարդկանց մոտ հիշողության խնդիրների մասին
ՀԱՍԱՐԱԿՈՒԹՅՈՒՆ
vz.ru-ն գրում է, որ նյարդաբանները նշում են, որ կորոնավիրուսով վարակվելուց հետո Ռուսաստանի հիվանդանոցներում հիվանդները բողոքում են հիշողության ու կենտրոնացման խանգարումից:
Վիրաբույժ և վերականգնողական թերապևտ Կոնստանտին Լյադովի խոսքով աշնանը նման բողոք ունեցողների թիվն ավելացել է: Իր հերթին, Ռուսաստանի երկաթուղիների թիվ 1 կենտրոնական կլինիկական հիվանդանոցի նյարդաբանության բաժանմունքի վարիչ Եվգենի Սերեդկինը նշել է, որ հիվանդները հաճախ են խնդիրներ ունենում ժամանակի և տարածության կողմնորոշման հետ, ինչպես նաև ունենում են կոգնիտիվ՝ ճանաչողական գործառույթների խանգարումներ:
Ըստ նյարդաբանների սթրեսը և վախը կարող են լինել այդպիսի խանգարումների հնարավոր պատճառներից մեկը:
«Երկրորդ պատճառը կորոնավիրուսային վարակի հենց նեյրոտոքսիկ (շարժողական, զգայական ֆունկցիաների, հուզական կարգավիճակի, ուղեղի ինտեգրացիոն ֆունկցիաների խանգարումներ) ազդեցությունն է»,- ասել է Դովերիե վերականգնողական կենտրոնի բժիշկ Ալեքսանդր Կոմարովը:
Նշվում է նաև, որ թոքերի ֆունկցիայի խանգարումը, որը կորոնավիրուսի պատճառ է, կարող է հանգեցնել նաև նյարդային համակարգի պաթոլոգիաների: Կարագանդայի բժշկական համալսարանի նյարդաբանության և նյարդավիրաբուժության ամբիոնի դոցենտ Ռուստեմ Գայֆուտդինովը խորհուրդ է տալիս խուսափել սթրեսից և կորոնավիրուսի տհաճ հետևանքներից խուսափելու համար ընդունել B վիտամինների, մագնեզիումի և ցինկի մեծ պարունակությամբ վիտամինային և հանքային դեղամիջոցներ:
Նյութը հրապարակման պատրաստեց Կամո Խաչիկյանը
