Քանի որ մեր Սյունիքը վտանգված է, ես առաջարկում եմ մշակութային ագրեսիա. Աննա Մայիլյան
ՄՇԱԿՈՒՅԹ
Ես լավատես եմ, մենք հարություն կառնենք եւ հողերը կվերադարձնենք: Այս մասին, այսօր՝ դեկտեմբերի 8-ին, Հայաստանի մտավորականությների կազմակերպած «Ներկա իրավիճակում մտավորականի դերը» խորագրով հավաքի ժամանակ նշեց երգչուհի Աննա Մայիլյանը:
«Ես ունեմ կոնկրետ երկու առաջարկ: Ես միշտ խոսում եմ թուրքամետ մշակույթի դեմ, եւ ես դարձել եմ թշնամի իմ սեփական ժողովրդին: Սա փաստ է: Ես նաեւ մտել եմ սեւ ցուցակների մեջ: Մենք պետք է բարձրացնենք մշակույթի գործչի վարկանիշը: Նա պետք է թելադրողի լինի, այլ ոչ թե լինից շատ ցածր եւ չկարողանա պայքարել թուրքամետ մշակույթի դեմ:
Քանի որ մեր Սյունիքը վտանգված է, ես առաջարկում եմ մշակութային ագրեսիա: Առաջարկում եմ ինչ-որ հետաքրքիր ֆեստիվալի հիմք ունենանք եւ այսօրվանից այնտեղ խոսվի այդ փառատոնի մասին: Թող սկսվի հենց հունվարից:
Երկրորդ առաջարկը. Մենք ունենք մեծ բանակ, ռաբիս ենք ասում, եկեք ասենք թուրքամետ երաժշտության երաժիշտների մեծ բանակ: Մարդիկ մեղավոր չեն, ծառայում են պահանջարկին: Եկեք մշակույթի գործիչներով, ստեղծել մաստեր կլասի խմբակներ, որտեղ մեր ուրախացնող ռաբիսները վերապրոֆիլացման դասեր կանցնեն հայ ազգային երգի: Հայ ազգային երգը բացարձակ լացակումած չի: Ինչու պետք է խեղճանանք պայքարել մի բանի դեմ, որն ապազգային է, խանգարում է մեր մշակույթին»,-ասաց նա:
