Երեք անգամ շատ ռուսաստանցիներ են համակրում հայերին և մեղադրում ՆԱՏՕ-ին, Ադրբեջանին և Թուրքիային
ՔԱՂԱՔԱԿԱՆՈՒԹՅՈՒՆ
openmedia.io-ն գրում է, որ ռուսների ճնշող մեծամասնությունը խուսափում է հայ-ադրբեջանական հակամարտության կողմերից որևէ մեկին աջակցելուց: Դա բխում է «Լևադա» կենտրոնի հարցումից, որի համար հարցերը ձևակերպվել են «Բաց լրատվամիջոցներ»-ի հետ համատեղ: Ադրբեջանական կողմի հանդեպ համակրանք արտահայտել են հարցվողների 6%-ը, իսկ հայերին` 15%-ը: Այնուամենայնիվ, հարցվածների 74%-ը նշել է, որ չի աջակցում հակամարտության կողմերից որևէ մեկին: Հարցումն անց է կացվել ներկայացուցչական հիմունքով Ռուսաստանի բնակչության շրջանում 2020 թվականի նոյեմբերի 19-26-ը, հարցմանը մասնակցել է 1607 մարդ:
Ռուսաստանի մայրաքաղաքի բնակիչների շրջանում հայերն ամենաշատ կողմնակիցներն ունեն. նրանց համակրում է մոսկվացիների 22%-ը: Ըստ տարիքային խմբերի կենսաթոշակային տարիքի ռուսաստանցիները ամենամեծ համակրանքն ունեն Հայաստանի նկատմամբ (17%): 2016 թվականին Ղարաբաղում նախորդ հակամարտության ընթացքում, ըստ «Լևադա» կենտրոնի, նույն 15%-ն է համակրել հայերին, իսկ Ադրբեջանը մի փոքր ավելի քիչ կողմնակիցներ է ունեցել՝ 4%:
Միևնույն ժամանակ, ռուսների իրազեկվածության մակարդակը Լեռնային Ղարաբաղում տեղի ունեցածի վերաբերյալ, ըստ սոցիոլոգների, զգալիորեն աճել է. հարցվածների 30% -ը ուշադիր հետևել է այնտեղի իրադարձություններին (չորս տարի առաջ դա կազմել է 10%), իսկ մարդիկ, որոնք ոչինչ չեն իմացել, ընդհակառակը, նվազել է 30% -ից մինչև 10%-ի:
Հարցվածների մոտ հինգերորդ մասը՝ 20% ավանդաբար համարում է, որ Միացյալ Նահանգները և ՆԱՏՕ-ի ուժերն են ռազմական գործողությունների վերսկսման նախաձեռնողները, ևս 18%-ը մեղադրում է Թուրքիային, 16%-ը՝ Ադրբեջանին, իսկ 8%-ը՝ Հայաստանին:
Ռուսների ավելի քան 59%-ը աջակցում է Ղարաբաղում ռուս խաղաղապահների տեղակայումը (չորս տարի առաջ նման մարդիկ կազմել են 46%): Եվ ընդհակառակը, նրանց թիվը, որոնք հավանություն չեն տալիս այդ գաղափարին, 36% -ից նվազել է 31% -ի:
Թուրքիայի խաղաղապահ ուժերը Ղhարաբաղում չեն ցանկանում տեսնել հարցվածների 69% -ը, իսկ այդ հեռանկարը դուր է գալիս հարցվածների միայն 15% -ին:
Նյութը հրապարակման պատրաստեց Կամո Խաչիկյանը
