Ծանոթ ու միաժամանակ անհայտ` շամպայն Կրիստալ
ՀԱՍԱՐԱԿՈՒԹՅՈՒՆ
Այսօր կան մեծ քանակությամբ տարատեսակ ալկոհոլային խմիչքներ՝ յուրաքանչյուրի համար ըստ ճաշակի և գույնի: Բայց կան հատուկ տեսակներ, որոնք հասանելի չեն բոլորին: Եվ գինու արդյունաբերության մեջ հայտնվել է աշխարհահռչակ «հեղուկ ոսկին»: Այն հարյուր տոկոսով արդարացնում է իր անունը: «Crystal Louis Roederer» շամպայնը ունի ոսկե գույն, իսկ գինը այնքան մեծ է, որ հասանելի է միայն գինու իսկական հավաքողներին կամ հարուստ մարդկանց: Այս ըմպելիքը ինչպես Ռուսաստանի կայսր Ալեքսանդր Երկրորդի, այնպես էլ հայտնի Քվենտին Տարանտինոյի սիրելի ընպելիքներից մեկն է եղել: Շամպայնը աշխարհում ամենատարածված գինիներից մեկն է, չնայած այդ ըմպելիքի ոչ բոլոր տեսակները կարելի է այդպես կոչել: Շամպայնը կարող է լինել միայն չոր գինին ֆրանսիայի Շամպայն նահանգից: Այնտեղ այն արտադրվում է կրկնակի խմորման եզակի տեխնոլոգիայի միջոցով, իսկ արտադրության համար օգտագործվում են խաղողի երեք տեսակներ: Այլ տեխնոլոգիայի օգտագործմամբ խմիչքները կարելի է անվանել միայն փրփրուն գինի: Crystal-ը իսկական շամպայն է և համապատասխանում է բոլոր այդ պահանջներին:
Իսկ հիմա ավելի մանրամասն Crystal շամպայնի պատմության մասին: Այն սկիզբ է առել 18-րդ դարի վերջին և 19-րդ դարի սկզբին: Հենց այդ ժամանակ է հիմնադրվել Լուի Ռոդերերի շամպայնի տունը, որի անունով էլ այն կոչվել է: Նրա նկուղների գինիները մեծ պահանջարկ են ունեցել, և նույնիսկ դրանցից մեկը՝ բրյուտի շիշը, 1876 թվականին հայտնվել է Ռուսաստանի մեծ կայսր Ալեքսանդր Երկրորդի սեղանին: Սա շրջադարձային պահ է դարձել ինչպես Լուի Ռոդերերի կյանքում, այնպես էլ նրա գինեգործության զարգացման պատմության մեջ, քանի որ նոր շամպայնը շատ է դուր եկել ցարին և նա հրամայել է այդ ժամանակից ի վեր իր սեղանին գինիներ մատուցել բացառապես Լուի Ռոդերերից: Բոլոր պալատականները հետևել են Ալեքսանդր Երկրորդին, ինչը բերել է այդ խմիչքի անհավանական ժողովրդականություն: Այդ ժամանակ «Լուի Ռոդերեր»-ից գինիներ ունենալը դարձել է նրբագեղության և ոճի մարմնացում: Բացի այդ, ցարը հրամայել է իր նախընտրած շամպայնը շշալցնել միայն բյուրեղապակյա անոթների մեջ: Այդ ժամանակից ի վեր հայտնվել է այդ ըմպելիքի հայտնի անունը «Crystal Louis Roderer», և պիտակի վրա հայտնվել է զինանշանը: Այս ժողովրդականությունն ու հաջողությունն առանց պատճառի չեն եղել, քանի որ շամպայն պատրաստելու նույնիսկ դասական բաղադրատոմսն է բարելավվել: Որպես հումք օգտագործվել են միայն Շամպայնի խաղողի այգիներում աճեցված Premier Cru կամ Grand Cru դասի Շարդոն և Պինո Նուար տեսակի խաղողներ: Անգամ կահավորել են առանձնահատուկ բերքի գինիների հատուկ նկուղ, որը լինում է տասը տարվա ընթացքում 1-3 անգամ: Այն տեղակայված է Ռեյմսում:
Գինու համար պարտադիր հնեցման ժամանակահատվածը նույնպես ավելացվել է և դարձվել է 6,5 տարի: Դա այդ շամպայնին զարմանալի համ է հաղորդում: Բացի այդ ցիտրուսների, խնձորի և նուշի նոտաներով ըմպելիքի ծաղկային-մեղրային բույրը դարձել է այդ շամպայնի ամենահաճելի հատկություններից մեկը: 20-րդ դարի սկզբին արտադրվող բյուրեղապակյա շամպայնի մեծ մասը վաճառվել է Կայսերական արքունիքին, և «Լուի Ռոդերեր» տունը դարձել է ռուսական գահի գինիների պաշտոնական մատակարարը: Իր եզակի տեխնոլոգիաների, ինչպես նաև տասնամյակների ընթացքում ամենաբարձր որակի շնորհիվ Crystal Louis Roederer շամպայնը այսօր կարող է վստահորեն կրել աշխարհի լավագույն գինիներից մեկի կոչումը: Այդ ըմպելիքի տարեկան վաճառքը կազմում է ոչ ավելի, քան 2.5 միլիոն շիշ, ինչը համեմատաբար փոքր ցուցանիշ է: Սա ապրանքանիշի սեփականատերերի կողմից կանխամտածված քայլ է, և նպատակաուղղված է պահպանել գինու որակի պահանջվող մակարդակը: Միայն թե շշերն արդեն ոչ թե բյուրեղապակուց են, այլ ապակուց:
Հայտնի ռեժիսոր Քվենտին Տարանտինոն իր ֆիլմերում բազմիցս խոսել է այն մասին, որ մինչ Crystal-ի բույրը ճաշակելը չի սիրել շամպայն: Իսկ Պոլ Վերխովենի նկարում այդ գինին կոչվում է «սուրբ ջուր»: 2011 թվականից Լուի Ռոդերերի տնից Ռուսաստան առաքումները դադարեցվել են: Դա տեղի է ունեցել դատական գործի հետ կապված, որի հայցվորը եղել է «Սոյուզպլոդոիմպորտ» ընկերությունը: Նրանց դուր չի եկել այն, որ շամպայնի Crystal անվանումը նման է ռուսական արտադրության «Կրիստալ» օղուն: Դատարանը բավարարել է հայցը: Բայց այս ամենը, ամենայն հավանականությամբ, չի կանգնեցնի Crystal շամպայնի իսկական գիտակներին, որոնք կարող են իրենց թույլ տալ իրենց 1000 եվրոյով մեկ շիշ «հեղուկ ոսկի» գնել և վայելել:
Նյութը հրապարակման պատրաստեց Կամո Խաչիկյանը
