Հայաստանը պայմանագիր կկնքի ռուսական ալիքների հեռարձակման հարցով
ՀԱՍԱՐԱԿՈՒԹՅՈՒՆ
telesputnik.ru-ն գրում է, որ Հայաստանի իշխանությունները նախատեսում են Ռուսաստանի հետ նոր համաձայնագիր կնքել ռուսական հեռուստաալիքների հեռարձակման վերաբերյալ:
Այդ մասին հայտարարել է Հայաստանի հեռուստատեսության և ռադիոյի ազգային հանձնաժողովի (ՀՌԱՀ) նախագահ Տիգրան Հակոբյանը:
«Ամենայն հավանականությամբ, միջպետական պայմանագիր կնքվի Ռուսաստանի հետ, և մեկ կամ երկու հանրապետական և մայրաքաղաքային սլոտներ կհատկացվեն ռուսական հեռուստաընկերություններին»,- հայտնել է նա:
Ըստ ՀՌԱՀ նախագահի, մրցույթ է հայտարարվել 25 հաճախությունների համար:
«Վեց հանրապետական հաճախականությունների համար դիմել են տասերկու, իննը մայրաքաղաքինների համար չորս և տասը տարածաշրջանայինների համար տասերեք հեռուստաընկերություններ»,- ասել է Հակոբյանը:
Հանձնաժողովի ղեկավարը նաև նշել է, որ օտարերկրյա հեռարձակողները առանց մրցույթի միջպետական պայմանագրին համապատասխան ավտոմատ լիցենզիա կստանան: Նա նաեւ տեղեկացրել է, որ մրցույթի արդյունքները հայտնի կդառնան հունվարին:
Ավելի վաղ Հայաստանի իշխանությունները հայտարարել էին, որ արտասահմանյան հեռուստաալիքները երկրում կգործեն մինչ հաջորդ տարվա հունվարի 20-ը՝ մինչև նրանց լիցենզիայի ժամկետը լրանալը: Ներկայումս Հայաստանում հերարձակվում են «Первый канал»-ը, «РТР Планета»-ն, «Россия. Культура»-ն և միջպետական «Мир» հեռուստաալիքները:
Միևնույն ժամանակ, Տիգրան Հակոբյանը ամռանը հավաստիացնում էր, որ սահմանափակումների նպատակները ոչ թե քաղաքական են, այլ տեխնիկական:
Մեկնաբանելով կաբելային ցանցերով արտասահմանյան հեռարձակումը սահմանափակելու թեմային՝ նա հայտարարել էր, որ ՀՌԱՀ-ը չունի հակառուսական դիրքորոշմանը:
«Ես երբեք չեմ օգտագործել «ազգային անվտանգություն» տերմինը: «Ես խոսել եմ տեղեկատվության և լեզվի անվտանգության մասին»,- ասել է Հակոբյանը: Նրա կարծիքով, այն պայմաններում, երբ Հայաստանի կաբելային ցանցերում 400 հեռուստաալիքներից մոտ 320-ը հեռարձակվում են օտար լեզուներով, լեզվական անվտանգության մասին խոսելն ավելորդ է:
Նյութը հրապարակման պատրաստեց Կամո Խաչիկյանը
