Ռուս բժիշկը պատմել է կորոնավիրուսի ամենաանհանգստացնող ախտանիշի մասին
ՀԱՍԱՐԱԿՈՒԹՅՈՒՆ
Ռուս բժիշկ իմունոլոգ-ալերգոլոգ Վլադիմիր Բոլիբոկը շնչահեղձությունը անվանել է կորոնավիրուսային հիվանդության առավել տագնապալի ախտանիշը: Այս մասին նա պատմել է «Lenta.ru»-ին:
Ըստ նրա, անհրաժեշտ է հաշվել շնչառության հաճախականությունը հանգստի վիճակում, քանի որ եթե մարդու ջերմաստիճանը բարձրանում է, նրա համար հիմնականում դժվարանում է շնչելը: «Պետք է նստել աթոռին, հանգստացալ և պարզապես շնչել հաշվելով շնչառության հաճախականությունը: Առողջ մեծահասակի համար շնչառության հաճախականությունը րոպեում 16-ից 20 շնչառառական շարժում է: Եթե շնչառությունն ավելի հաճախակի է դարձել, նշանակում է, որ շնչառական անբավարարություն է զարգանում»,-ասել է Բոլիբոկը:
Տախիկարդիայի՝ հաճախասրտության, հետ համատեղ շնչառությունը ևս վտանգավոր է, նշել է բժիշկը: «Եթե բարձր ջերմություն չունեցող մարդն ունի սրտի արագ զարկ և շնչառություն, դա նշանակում է, որ պետք է անհանգստանալ, զանգահարել բժշկի, կատարել թոքերի CT (համակարգչային տոմոգրաֆիա)»,-եզրափակել է Բոլիբոկը:
Ավելի վաղ Ռուսաստանի Առողջապահության նախարարությունը նշել էր կորոնավիրուսի վեց հիմնական ախտանիշները: Նախարարության ոչ հաստիքային գլխավոր թոքաբան Սերգեյ Ավդեևի խոսքերով COVID-19-ով հիվանդները բախվում են ջերմության, թուլության, հազի, գլխացավի և կոկորդի ցավի, ինչպես նաև շնչառության անբավարարության հետ: Վերջինս, ըստ մասնագետի, տեղի է ունենում մոտ 20 տոկոս դեպքերում:
Ռոսպոտրեբնադզորի համաճարակաբանության կենտրոնական հետազոտական ինստիտուտի կլինիկական և վերլուծական աշխատանքների գծով փոխտնօրեն Նատալյա Պշենիչնայան էլ ասել է, որ ականջների խցանումը կարող է կորոնավիրուսի մեկ այլ ախտանիշ լինել: Միևնույն ժամանակ, նա նշել է, որ նույն ախտանիշը կարող է առաջանալ նաև սովորական ՍՇՎ- ի դեպքում:
«Եթե ականջների խցանումը մի քանի օրում չի անցնում, և ցավեր են առաջանում, հարկավոր է դիմել բժշկի»,- զգուշացրել է Պշենիչնայան:
Նյութը հրապարակման պատրաստեց Կամո Խաչիկյանը
