Պուտինին մեղադրել են երկակի խաղի և Հայաստանին դավաճանելու մեջ
ՔԱՂԱՔԱԿԱՆՈՒԹՅՈՒՆ
wek.ru-ն գրում է, որ ղարաբաղյան պատերազմում միանշանակ պարտվել է միայն Հայաստանը, որը անգամ երևում է տեղի ունեցածի նկատմամբ հայերի ռեակցիայից: Ըստ «Генерал СВР» տելեգրամ-ալիքի հեղինակների Մոսկվայի, Բաքվի և Անկարայի հաղթանակը Երևանի պարտության հետ մեկտեղ կարող է արդյունք լինել այն փաստի, որ Կրեմլը, իր ՀԱՊԿ գործընկերոջը օգնելու փոխարեն, հակառակը որոշել է վնասել նրան: Տելեգրամ-ալիքի հրապարակման մեջ պնդում են, որ առկա է շատ մեծ հավանականություն, որ Ռուսաստանի իշխանությունները օգնել են Էրդողանին և Ալիևին և կարողացել բարենպաստ պայմաններ ձեռք բերել տարածաշրջանում խաղաղության հաստատելու համար: Փաստորեն, Պուտինը կրկնակի խաղ խաղալով և իր տեղեկությունները հակառակորդներին տրամադրելով դավաճանել է Հայաստանին և հասել այն արդյունքին, որը նշվում է որպես Մոսկվայի մեծ դիվանագիտական հաղթանակ:
«Ի՞նչ է շահել Ադրբեջանը այս հակամարտության արդյունքում. առաջին հերթին նա վերահսկողություն է ստացել իր տարածքների մի մասի վրա, որոնք նախկինում իրականում գրավված էին: Բացի այդ, ինչ էլ որ ասեք, այս հաղթանակը կհանգեցնի երկրում լուրջ ազգային վերելքի և Ալիևի գլխավորած Ադրբեջանի ներկայիս կառավարության դիրքերի ամրապնդմանը: Ռուսաստանը, ավելի ճիշտ՝ Կրեմլը, լուրջ ազդեցություն է ստացել Հայաստանի ներսում և Հայաստանի վրա, ինչը 1991 թվականից ի վեր չի եղել: Վերջապես, Թուրքիան հնարավորություն է ստացել դառնալ լիարժեք խաղացող Կովկասի տարածաշրջանում իր ազդեցության գոտով, և սա դեռ միայն սկիզբն է:
Այս բոլոր արդյունքների ձեռքբերումից հետո կարող ենք պնդել, որ Պաշտպանության նախարարությունից և Հայաստանի զինված ուժերի գլխավոր շտաբից գործնականում ստացված ողջ տեղեկատվությունը Անկարա է փոխանցվել Կրեմլի և Ռուսաստանի արտաքին հետախուզական ծառայության միջոցով: Կրեմլն առաջին անգամ չէ, որ օգնում է Թուրքիային: Փաստացի, Պուտինը մի անգամ արդեն փրկել է Էրդողանին՝ նախազգուշացնելով նրան 2016 թվականի ռազմական հեղաշրջման փորձի մասին: Ավելի ուշ, Կրեմլից ստացված տեղեկատվության շնորհիվ, Էրդողանը կարողացել է սաուդյան արքայազնին վատ լույսի ներքո ներկայացնել միջազգային հանրության առջև: Հիմա Պուտինը օգնել է Էրդողանին մտնել Կովկասի շահերի ոլորտ», - գրում են տելեգրամ-ալիքի հեղինակները:
Նյութը հրապարակման պատրաստեց Կամո Խաչիկյանը
