С-300-ները «լրիվ պասիվություն» են ցուցաբերել Ղարաբաղում
ՔԱՂԱՔԱԿԱՆՈՒԹՅՈՒՆ
newizv.ru-ն գրում է, որ չնայած մարտավարական հրթիռային համակարգերի օգտագործմամբ բազմաթիվ հրթիռային հարվածներին, С-300 զենիթահրթիռային համակարգերը, որոնք կան ինչպես Հայաստանի, այնպես էլ Ադրբեջանի սպառազինության մեջ, երբեք մարտական օգտագործում չեն ունեցել: Ավելի վաղ նշվել էր, որ իբր С-300- ը երկու տակտիկական հրթիռ է խոցել հայկական Աբովյանի քաղաքի վրա, բայց այժմ այդ տվյալներն արդեն հերքվել են: С-300- ները համարվում են աշխարհի ամենաառաջատար միջին և հեռահար հակաօդային պաշտպանության համակարգերից մեկը, բայց մինչ այժմ դրանք զրո արդյունք են ցույց տալիս Լեռնային Ղարաբաղում ռազմական գործողությունների ընթացքում: Հայերը մարտավարական հրթիռային համակարգերով ազատորեն հարվածներ են հասցնում Ադրբեջանին, իսկ վերջինս, համապատասխանաբար, ակտիվորեն հարվածում է Հայաստանին ոչ միայն մարտավարական հրթիռային համակարգերով, այլ նաև ռազմական ինքնաթիռների օգտագործմամբ: «Որքան էլ ցավալի է, բայց С-300- ները մինչ այժմ լիակատար պասիվություն են ցուցաբերել Լեռնային Ղարաբաղում և ոչ միայն գոնե մեկ հրթիռ չեն խփել, այլ, ըստ երևույթին, նույնիսկ դրանց չեն հայտնաբերել: Նման մի բան էլ արդեն երկու տարի է, ինչ նկատվում է Սիրիայի տարածքում, ինչը շատ լուրջ անհանգստություն է առաջացնում, հատկապես այն փաստի ֆոնին, որ Ռուսաստանը ակտիվորեն օգտագործում է այդ ՀՕՊ համակարգերը իր տարածքը պաշտպանելու համար, - մեջբերել է Avia.pro-ն մի ռազմական վերլուծաբանի խոսքեր:
Ավելի վաղ էլ խոսվել է ղարաբաղյան հակամարտության ընթացքում С-300- ների անօգուտ լինելու մասին: Փորձագետները ընդգծում են այն փաստը, որ այդ զենքը գործնականում անօգուտ է անօդաչու թռչող սարքերի դեմ, քանի որ С-300-ների ռադարները չեն տեսնում դրանք, մինչդեռ վերջիններս հաջողությամբ գրոհում են մի քանի կիլոմետր հեռավորությունից:
Նյութը հրապարակման պատրաստեց Կամո Խաչիկյանը
