Խամաճիկ Իլհամն ու ադրբեջանական փոքրամասնությունները
ՎԵՐԼՈՒԾՈՒԹՅՈՒՆՆԵՐ
Եթե ուշադիր նայենք Ադրբեջանի էթնիկ քարտեզին, ապա միանգամից պարզորոշ է դառնում այն փաստը, որ ներկայումս տարածաշրջանային զարգացումները բացառիկ հնարավորություն են ստեղծել Ադրբեջանի բնիկ ժողովուրդների՝ ավարների, թալիշների, լեզգիների ազատագրական շարժման մեկնարկի համար: Ըստ էության՝ հայերն իրենց փորձով ցույց տվեցին, թե ինչ քաղցր բան է անկախությունը, որին հասել են մեծ զրկանքների ու զոհողությունների գնով ու այսօր էլ շարունակում են իրենց պայքարը՝ այս անգամ թուրք-ադրբեջանական ալյանսի և վարձկան ահաբեկիչների դեմ: Որևէ մեկն արցախցիներին չի նվիրել անկախություն:
Պետք է հստակ ֆիքսենք, որ ցանկացած անկախությունը, ազատությունը, ցավոք, նվաճվում են արյամբ: Ադրբեջանի, այսպես կոչված, մյուս փոքրամասնությունների համար Արցախի հերոսամարտը կարող է վարակիչ լինել և խթանել նրանց ազգային զարթոնքին: Համաձայնեք, որ ուրախալի կլինի Հարավային Կովկասի քաղաքական քարտեզին տեսնել այդ ժողովուրդներին, ինչը մեծապես կարող է նպաստել տարածաշրջանում հավասարակշռություն հաստատելուն: Ըստ էության՝ ադրբեջանցիները, որոնց տասնամյակներ շարունակ կեղեքել է ալիևյան կլանը, դեմ չեն լինի դրան: Իրենք էլ պետք է ազատագրական շարժում ծավալեն՝ ազատագրվելու բռնապետ Էրդողանի խամաճիկ Իլհամի հանցավոր կառավարումից:
Անդրանիկ Կիրակոսյան
