Հայտնի է, թե որ ընկերություններն են մեթանոլ ներկրել
ՀԱՍԱՐԱԿՈՒԹՅՈՒՆ
Մեթանոլ պարունակող օղուց թունավորված, կուրացած ու մահացած քաղաքացիների դեպքից հետո ողջամիտ հարց է ծագում, թե տեխնիկական սպիրտը, որն օղուց բացի օգտագործվել է նաև ալկոգելերի արտադրության մեջ, ո՞ր ընկերություններն են ներկրել և առհասարակ անցած և այս տարի որքան տեխնիկական սպիրտ է ներկրվել Հայաստան:
Այս մասին տեղեկանալու համար 1or.am-ը հացում էր ուղարկել ՊԵԿ-ին, որտեղից մեզ տեղեկացրեցին, որ 2019 թվականին ՀՀ է ներմուծվել 115,4 տոննա մեթանոլ (մեթիլային սպիրտ) են ներկրել «Մեդիսար», «Յունիքիմ», «Իսատիս» և «Իմմունոֆարմ» սահմանափակ ընկերությունները: 2020 թվականի առաջին կիսամյակի ընթացքում նույն ընկերությունների կողմից ընդհանուր առմամբ Հայաստանի Հանրապետություն մեթանոլ է ներկրվել 110,3 տոննայի չափով:
Հուսանք, որ ալկոհոլային թունավորման հետևանքով հարցուված քրեական գործի շրջանակներում նախաքննություն իրականացնող մարմնին կհաջողվի պարզել նաև, թե իրականում տեխնիկական օղու վաճառքի շղթայում ովքեր կամ որ կազմակերպություններն են ներգրավված եղել: Բացի այդ, թե ինչպես է մեթանոլը որպես սովորական ապրանք հայտնվել վաճառքի շղթայում:
Արմինե Գրիգորյան
