«Forbes»-ն անվանել է ռուսական բիզնես կլանների ամենահարուստ երեխաներին
ՀԱՍԱՐԱԿՈՒԹՅՈՒՆ
«Forbes» ամսագրի ռուսական հրատարակությունը հրապարակել է ամենահարուստ երեխաների վարկանշային ցուցակը, որում ընդգրկվել է 11 երեխա:
I տեղում Արկադի Ռոտենբերգի որդի Իգորն է, ով «Газпром бурение» ընկերության սպասարկման կապալառու «Газпром»-ի հիմնական սեփականատերն է: Նրա կարողությունը գնահատվել է 950 մլն դոլար: «Forbes»-ը նշել է, որ նրան է պատկանում նաև «РТ-Инвест Транспортные системы» ընկերության 23,5%-ը, որը մեծ բեռնատարողությամբ ավտոմեքենաներից վճարների գանձման «Платон» համակարգի օպերատորն է:
II տեղում Միխայիլ Գուցերիևի որդի Սաիդն է՝ «Сафмар» խմբի տնօրենների խորհրդի անդամը (930 մլն դոլար): Բացի այն, որ Սաիդը «Фортеинвест» ընկերության (զբաղվում է նավթի վերամշակմամբ և նավթամթերքի իրացմամբ) գործադիր տնօրենն է, նրան են պատկանում նաև «Русснефть»-ի բաժնետոմսերի 10,5%-ը, «Сафмар финансовые инвестиции»-ի 30,37%-ը և «М.Видео»-ի 73,55%-ը:
III տեղում Հունգարիայում գրանցված «Kaflijat» ընկերության համասեփականատերեր Տիմուր և Ռուսլան Ռահիմկուլովներն են (900 մլն դոլար ընդհանուր կարողություն): Նրանց հայրը «Газэкспорт»-ի նախկին գործադիր տնօրեն Մեհդետ Ռահիմկուլովն է, ով դեռևս «Kaflijat»-ի տնօրենների խորհրդում է:
IV տեղում Զիյա Բաժաևի որդին է՝ «Группа Альянс»-ի համասեփականատեր Դենի Բաժաևը (840 մլն դոլար): Նրան են պատկանում թանկարժեք մետաղներով զբաղվող երկու ընկերություններ՝ «Русская платина»-ն և «Альянс Алтын»-ը:
V տեղում Արկադի Ռոտենբերգի դուստր Լիլյան է (500 մլն դոլար): Նա Մոսկվայի, Կրասնոյարսկի, Սոչիի և Նովոսիբիրսկի առևտրի կենտրոնները ղեկավարող «TPS Real Estate» ընկերության համասեփականատեր է:
VI տեղում Սերգեյ և Եվգենի Միխայլովներն են («Черкизово» խմբի հիմնադիր Իգոր Բաբաևի որդիները) – 350 մլն դոլար:
VII տեղում Ֆելիքս Եվտուշենկովն է (АФК «Система»-ի հիմնական սեփականատեր Վլադիմիր Եվտուշենկովի որդին) – 75 մլն դոլար:
VIII տեղում Տիմուր Շայմիևն է (Թաթարստանի առաջին նախագահի թոռը և «ТАИФ-НК» ընկերության ղեկավար Այրատ Շայմիևի որդին) – 40 մլն դոլար:
IX տեղը զբաղեցրել է Լյուդմիլա Միխայլովան («Черкизово» խմբի հիմնադիր Իգոր Բաբաևի զարմուհին) – 5 մլն դոլար:
Նյութը հրապարակման պատրաստեց Լիլիթ Ամիրաղյանը:
