Ի՞նչ ուտել ակնեի սպիներից ազատվելու համար
ՀԱՍԱՐԱԿՈՒԹՅՈՒՆ
Ակնեն վնասում է մաշկն ու նրա տակ գտնվող հյուսվածքները: Վնասվածքի վերականգնման համար օրգանիզմը կոլագեն է արտադրում, սակայն դրա չափից շատ կամ քիչ արտադրվելու դեպքում առաջանում է սպի: Կոսմետիկական արդյունաբերությունն առաջարկում է ակնեի սպիներից ազատվելու բազմաթիվ միջոցներ, բայց ամենահասարակ և բնական միջոցը համեղ ու առողջ սնունդն է: Այս մասին հաղորդել է AdMe-ն:
Ներկայացնում ենք մի քանի համեղ մթերք, որոնք օգնում են նվազեցնել ակնեի հետևանքները՝ օրգանիզմը միաժամանակ հարստացնելով օգտակար միկրոտարրերով:
Դդում
Դդմի մեջ պարունակվող նիացինը և ֆոլաթթուն բարելավում են արյան շրջանառությունը, նպաստում բջիջների նորացմանն ու օգնում ակնեի բուժմանը: Դդմի սերմերը հարուստ են ցինկով, որը կարգավորում է հորմոնների մակարդակը և մաշկային ճարպի արտադրությունը: Իսկ վիտամին A-ն օգնում է ազատվել ակնեի սպիներից:
Կալե կաղամբ
Կալե կաղամբում պարունակվող վիտամինները, հանքանյութերն ու հակաօքսիդանտները նվազեցնում են հիպերպիգմենտացիան և օգնում կարգավորել մաշկի երանգը: K վիտամինը պակասեցնում է մուգ կետերն ու բծերը, իսկ երկաթն արագացնում է վնասվածքների և սպիների բուժումը:
Կիտրոն
Կիտրոնի հյութը ձգում է մաշկը և օգնում՝ ակնեի դեմ պայքարին: Կիտրոնը մաշկին առողջ տեսք է հաղորդում: Պետք է հիշել, որ առանց ջրով բացելու կիտրոնի հյութի օգտագործումը կարող է վնասել մաշկը:
Քաղցր կարտոֆիլ (բատատ)
Քաղցր կարտոֆիլը պարունակում է ռետինոլ և բետա-կարոտին: Օրգանիզմը բետա-կարոտինը վերածում է A վիտամինի, որը պայքարում է մաշկի ծակոտիների բորբոքումների և խցանումների դեմ:
Ռետինոլը կոսմետիկ միջոցների հիմնական բաղադրիչն է, քանի որ այն պայքարում է հիպերպիգմենտացիայի, ակնեի և կնճիռների դեմ: Թանկարժեք կոսմետիկա գնելու փոխարեն Դուք կարող եք ռետինոլը ստանալ բնական մթերքից, օրինակ՝ բատատից:
Ծաղկակաղամբ
Ծաղկակաղամբում պարունակվող հիստիդինը մաշկը պաշտպանում է ուլտրամանուշակագույն ճառագայթներից: Վիտամին C-ն նպաստում է վնասվածքների ու սպիների բուժմանը:
Նյութը հրապարակման պատրաստեց Լիլիթ Ամիրաղյանը
