M6-ում դեռևս անորոշություն է

Վանաձոր-Ալավերդի-Վրաստանի սահման (Մ-6) 90 կմ երկարությամբ միջպետական նշանակության ավտոճանապարհի Վանաձոր-Ալավերդի հատվածի հիմնանորոգման աշխատանքներն ընթացքի մեջ են և կշարունակվեն դեռևս անհասկանալի է թե ինչքան ժամանակ։ Նշենք, որ ծրագրով նախատեսվում է վերականգնել Վանաձոր քաղաքի և Բագրատաշենի միջև ընկած մոտ 90 կիլոմետր երկարությամբ հատվածը: Ճանապարհն անցնում է Լոռու և Տավուշի մարզերի 33 համայնքներով:

 

Աշխատքները սկսվել են դեռևս 2016-ին և սկզբնական պլանի համաձայն այն պետք է ավարտվեր մինչև 2018-ի նոյեմբեր:Որոշակի բարդությունների պատճառով (քանի որ առկա է ռելիեֆային բավական բարդ կառուցվածք) վերջնական ժամկետը նշանակվեց 2019-ը, ապա՝ 2020 թվականը, սակայն, ինչպես տեսնում ենք՝ անգամ 2021-ին շինաշխատանքները  չեն ավարտվի, քանի որ դեռևս որոշակի չէ, թե երբ և ինչ հանգամանքներում տեղի կունենա մայրուղու հիմնանորոգումը և երբ այն կշահագործվի։ Հարկ է ընդգծել, որ վրացական սահմանով ՀՀ մտնող «ֆուռերի» 60 տոկոսը նախընտրում է բեռը Երևան հասցնել հենց այս երթուղով՝ անգամ ձմռանը, ռելիեֆային բավականին անհարմար ու բարդ պայմաններում: Մայրուղին ունի միջին ծանրաբեռնվածություն, յուրաքանչյուր օր այս հատվածով անցնում է շուրջ 3000 մեքենա: Տեղի բնակչությունը, բացի այն, որ բացակայում է նորմալ ճանապարհով երթևեկելու հնարավորությունը, ստիպված է շնչել նաև այն փոշին, որը գոյանում է մեքենաների շարժի ժամանակ։

 

Բավականին դիսկոնֆորտ պայմաններում բնակվող Ալավերդու բնակչությունը քանիցս բարձրաձայնել է ստեղծված այս անմարդկային պայմանների մասին, սակայն իշխանությունները, բացի հերթական աչքկապոցին, ոչ մի հոդաբաշխ պատասխան չեն տվել։ Զարմանալին այն է, որ նմանօրինակ ճանապարհային խնդիրներ ունեցող պետությունը իր համար շռայլություն համարեց տրանսպորտի նախարարության առկայություն և շատ շուտաֆույթ կերպով այն օպտիմալացրեց։ Ճանապարհաշինության և ճանապարհային հանգույցները յուրաքանչյուր երկրի համար ունեն ռազավարական և առաջնային գերկարևորություն և ըստ այդմ՝ յուրաքանչյուր իրավիճակում պետք է պատրաստ լինել ընդունել ցանկացած մարտահրավեր: ՀՀ դեպքում խնդիրն ունենում է նաև առաջնայություն այն առումով, որ Հայաստանը պատերազմող երկիր է և ցանկացած պահի կարող են պայթել տարածաշրջանային լուրջ բախումներ և հենց M6-ը պետք է հանդիսանա կենտրոնի հետ կապող հուսալի և կարևոր կապը:

 

Ի դեպ՝ վերջում հավելենք, որ M6-ի զգալի հատվածը կառուցվել է մինչև ՀՀ-ում տեղի ունեցած իշխանափոխությունը, իսկ օրվա իշխանությունները, որոնք այդքան շատ են սիրում խոսել ասֆալտապատումից և ճանապարհների բարեկարգումից, մայրուղու աշխատանքներում բավականին փոքր ծավալի աշխատանքներ են իրականցրել։