Փաշինյանը չասեց ամենակարևորը

Նիկոլ Փաշինյանն այսօր առաջին անգամ արձագանքեց Սերգեյ Լավրովի սկանդալային հայտարարությանը։ Վարչապետն ավելի շուտ ոչ թե բովանդակային պատասխան տվեց, այլ գերադասեց կրկնել նախկինում արված իր մի քանի դիրքորոշումներ։
Օրինակ՝ ես ակնկալում էի, որ Փաշինյանը պետք է նշի, որ այսօր փուլային կամ լավրովյան պլան չի քննարկվում։ Սակայն նման բան չասվեց։ Ես ընդամենը կարող եմ ենթադրել, որ պաշտոնական Երևանն իրապես կողմ չէ լավրովյան պլանին, սակայն հիմա կարգավորման նման սցենար քննարկվում է և․ մենք այս հարցում դաշնակիցներ չունենք ոչ միայն Մոսկվայում, այլ նաև՝ միջնորդ այլ մայրաքաղաքներում։
Իսկ նման իրավիճակում՝ ավելի ճիշտ կլիներ, որպեսզի Փաշինյանն ոչ թե վերաշարադրեր հայկական կողմի դիրքորոշոումները, մանավանդ, դրանք վերացական են, այլ պատասխաներ այն հարցին, թե ինչով է պայմանավորված այն հանգամանքը, որ մեր դիրորոշումները պաշտպանության չեն արժանանում միջնորդ երկրների կողմից, եթե չասենք՝ ԼՂ հարցում Ռուսաստանի, ըստ էության, հակահայկական մոտեցման մասին։