ԾԵծի ենթարկված փոխգնդապետի գործով մեղադրյալն ազատ արձակվեց. Վերաքննիչ դատարանը բավարարեց գրավի միջնորդությունը
ՀԱՍԱՐԱԿՈՒԹՅՈՒՆԵղեգնաձորում ծեծի ենթարկված փոխգնդապետ Արա Մխիթարյանի գործով մեղադրյալ Զավեն Գրիգորյանն ազատության մեջ է. Վերաքննիչ քրեական դատարանը բավարարել է պաշտպանի բողոքը եւ գրավով ազատ արձակելու որոշում կայացրել։ Այս մասին NEWS.am-ի հետ զրույցում հայտնեց Զավեն Գրիգորյանի պաշտպան Լեւոն Սահակյանը։
«Առաջին ատյանի կայացրած որոշման դեմ բողոք էինք ներկայացրել Վերաքննիչ դատարան։ Միջնորդել էինք գրավի կիրառել, սահմանելով 501 հազար դրամ գրավի չափը կամ ավելին, եթե դատարանը կցանկանա։ Դատարանը 1 միլիոն 500 հազար դրամ գրավի չափ սահմանեց»,- ասաց Լեւոն Սահակյանը։
Հիշեցնենք, որ ՊՆ փոխգնդապետ Արա Մխիթարյանը դաժան ծեծի է ենթարկվել սեպտեմբերի 18-ին Վայոց Ձորի Եղեգնաձոր քաղաքում:
Նշենք, որ ՔԿ-ն հայտնել էր, որ Վայոց ձորի նախկին մարզպետ Տրդատ Սարգսյանը 2019թ. սեպտեմբերի 17-ին տեղի ունեցած վիճաբանությանն ականատես չի եղել, դեպքի վայրում չի գտնվել: Սակայն դեպքին ականատես 4 սպաներն ասել են, որ նախկին մարզպետը եղել է դեպքի վայրում եւ հետեւել է միջադեպին` չկանխելով այն:
Այս գործով մեղադրանք է առաջադրվել Վայոց Ձորի նախկին մարզպետի օգնական Հարություն Գրիգորյանին։ Մեղադրյալի կարգավիճակում են Գրիգորյանի եղբայրը՝ Զավեն Գրիգորյանը։ Միջադեպից մեկ շաբաթ անց Տրդատ Սարգսյանը հրաժարական տվեց Վայոց ձորի մարզպետի պաշտոնից։
