Կարևոր փաստեր , որոնց մասին իմանալուց հետո կարգելեք ձեր երեխային ընդհանրապես չիփս ուտել

Բրիտանացի հետազոտողները միանշանակ պնդում են, որ չիփսերը բացասաբար են ազդում երեխայի մտավոր զարգացման վրա: Այս եզրահանգմանը նրանք եկել են խնդիրը մանրամասն ուսումնասիրելուց հետո: Ուսումնասիրվել են երեք և չորս տարեկան այնպիսի երեխաներ, որոնց սննդակարգում ամեն օր չիփսեր են եղել: Գիտնականները պարզել են, որ նրանց ուղեղի աշխատանքը բոլոր առումներով ավելի վատ է այն երեխաների համեմատ, ովքեր չիփսեր չեն ուտում:

Մասնագետները մասնավորապես նշել են, որ նրանց մոտ խախտված է հիշողությունը, ցրված է ուշադրությունը, իսկ վարքը անհանգիստ և անհավասարակշիռ է: Ավելի վատ են զարգացած նրանց ստեղծագործական հմտությունները: Իսկ արդեն դպրոցական տարիքում այս երեխաները տարբեր առարկաներից դժվարություններ են ունենում:

Բժիշկների կարծիքով՝ մանկական ուղեղի համար վնասակար են հագեցած ճարպերը. հենց դրանք էլ համարվում են այդ վատ ազդեցության պատճառը: Ինչպես հայտնի է՝ չիփսերի մեջ դրանցից մեծ քանակությամբ է պարունակվում: Բացի դրանից՝ երեխաների սիրելի չիփսերում կա նաև ակրիլամիդ՝ քիմիական նյութ, որը ոչ միայն կանցերոգեն է, այլև մուտագեն: Գիտնականները նշում են, որ այս նյութը առկա է ցանկացած տապակած սննդամթերքի մեջ, հատկապես՝ բարձր ջերմաստիճանով մշակված:

Բժիշկները նշում են, որ ուղեղի վրա բացասական ազդեցությունն անդառնալի է: Նրանք ծնողներին խորհուրդ են տալիս երեխաներին չիփսերով չկերակրել, եթե նրանք դեռ չորս տարեկան չկան: Ավելի մեծ տարիքի երեխաներին չիփսերը արգելված չեն, սակայն դրանք օգտակար սննդամթերքների խմբին չեն պատկանում:

Ավելի վաղ գերմանացի գիտնականները պարզել էին, որ չիփսերը թմրանյութերի պես կախվածություն են առաջացնում: Ենթադրվում է, որ մեծ քանակությամբ ճարպերով և ածխաջրածնով հարուստ ուտելիքն ուղեղում գրգռում է հաճույքի կենտրոնը, որով էլ խթանում է մեծ կալորիականություն ունեցող սննդամթերքի ընդունման պահանջը:

Հատկանշական է իմանալ նաև.

Չիփսերում ընդհանրապես չկան վիտամիններ և միներալներ:

Չիփսերը ածխաջրերի և ճարպերի խառնուրդ են` աղի, արհեստական սննդային ներկերի և համի փոխարինիչների հավելումով:

Բացի այդ` չիփսերը կարող են պատրաստել ոչ թե կարտոֆիլից, այլ կարտոֆիլի ալյուրից, ինչն ավելի վնասակար է դարձնում այս սննդամթերքը:

Չիփսերը նպաստում են գիրանալուն, քանի որ դրանք պարունակում են երեխայի օրգանիզմի համար անհրաժեշտ կալորիաների գրեթե կեսը` 100 գրամ չիփսը պարունակում է 510 կկալ.:

Չիփսերը պատրաստվում են ոչ թե օգտակար բուսական յուղով, այլ մարգարինով, սա է պատճառը, որ չիպսերում պարունակվող ճարպերը կարող են քաղցկեղ առաջացնել:

Չիպսերում պարունակվող աղի քանակությունը, ներթափանցելով երեխայի օրգանիզմ, կարող է խաթարել ոսկորների բնականոն աճը, ինչպես նաև ազդել նյութափոխանակության վրա:

Չիփսերին տարբեր համեր հաղորդող քիմիակնշան նյութերը կարող են ալերգիայի առաջացման պատճառ դառնալ:

Նյութը պատրաստեց 1or.am-ը