Հայ «օլիգարխի» գայթակղիչ ամուսնության առաջարկը Անջելինա Ջոլիին՝ բաց նամակի տեսքով

Գիտեք, Անժելա, ես ձեզ այսպես կասեմ, թքեք այդ անհեթեթության (Բրեդ Պիտ) վրա, նա ձեզ չարժի, դեն նետեք նրան, եկեք ինձ մոտ Երեւան, ձեր բոլոր որդեգրած երեխաների հետ միասին, եւ մենք կապրենք, ինչպես թագավորները։

Ես այրի եմ, ապրում է միայնակ, Հյուսիսյաին պողոտայում ունեմ երկու բնակարան մի հարկում, կմիացնենք իրար, որ ավելի մեծ ու ազատ լինի երեխաների համար, երեխաները կգնան դպրոց ու մանկապարտեզ, իսկ դուք կնստեք տանը տիրուհու իրավունքով, վերջապես կապրենք արժանապատիվ ու մարդավարի։

Ես աղքատ մարդ չեմ, ունեմ չորս խանութ շուկայում, ամառանոց, այգի, բանջարանոց, նավակ ունում Սեւանի ափին, երեք ավտոմեքենանա, «Մերսեդես», «Լեքսուս» եւ «Նիվա» կցասայլակով, չենք կորչի։

Դուք պետք է կոմնորոշվեք, շուտով Ամերիկայում «կիլդիմ» է լինելու, դե ձեզ մոտ էլ ընտրությունները այդքան լիգիտիմ չեն, եւ ընտրություններն էլ, մեղմ ասած, անկանխատեսելի են՝ կամ այն նախկին սաքսաֆոնիստ Բիլի հիվանդ, նեւոզիկ կինը կամ այն դարը անցած 90-ական թվականների Դոնալդ հոպարը։

Ձերոնցից մեզ մոտ շատերը կան՝ Հովնանյանները, Լուիզ Սիմոն Մանուկյանները, անձնագիր կստանաք, կխնդրենք վաստակավոր արտիստուհու կոչումի կարժանանաք, ինչպես Արմենչիկին տվեցին ձեր համաերկրացի, իսկ այստեղ կսկսեք թեթեւ դերեր խաղալ սերիալներում մեր ժողովրդականների հետ, իսկ ահա, հետո երբ լեզուն կսովորեք մի գուցե կարող է աշխարահռչակ պրոդյուսեր Դիանա Գրիգորյանը՝ ձեզ վերցնի իր «Առաջնորդները»-2 (երկրորդ սեզոն) հեռուստասերիալ, յուրաքանչյուր կոպեկը տան համար պետք է։

Ես ամուր, պոտենցիաով տղամարդ եմ, դուք մի մտածեք կամ կասկածեք, մենք դեռ բազում երեխաներ կծնենք, մայրական կապիտալ կստանանք, կխնդրենք Շառլ Ազնավուրին որ, նախագահ Սերժին ասի մեզ մի հեկտար հող տա նոր տուն կառուցելու բազմանդամ ընտանիքի համար, ես ամեն ինչ հաշվել եմ, մեզ բոլորիս կբավականացնի, ձմռան համար քեզ բնական մորթյա վերարկու կգնենք, այստեղ ձմեռները խիստ են ...

Անժելա որոշեք, քանի դեռ ուշ չէ։

Հարգանքներով նախկին Սարի-Թաղցի Վազգեն
(Բարձրունքի Վզգո)

Նյութը պատրաստեց 1or.am- ը