Հայաստանի առջեւ 2020 թվականին առնվազն երկու սպառնալիք կա. փորձագետ
ՔԱՂԱՔԱԿԱՆՈՒԹՅՈՒՆԵս կարող եմ առանձնացնել առնվազն երկու սպառնալիք Հայաստանի համար նոր՝ 2020 թվականին։ Առաջինը անվտանգության սպառնալիքն է ինչպես տարածաշրջանային, այնպես էլ Ղարաբաղի անվտանգության համատեքստում։ Այս մասին հունվարի 10-ին լրագրողների հետ հանդիպման ժամանակ ասել է քաղտեխնոլոգ Վիգեն Հակոբյանը։
Սպառնալիքի պատճառը, փորձագետի կարծիքով, հասարակության պառակտումն է, որում առկա է ատելության բարձր մակարդակ։ «Դա փաստ է։ Չի կարող այնպես լինել, որպեսզի ատելության մակարդակը Facebook-ում լինի այլ, քան իրականում, եւ մենք դա աստիճանաբար տեսնում ենք մեր կյանքում»,- ասել է Հակոբյանը։ Որպես երկրորդ սպառնալիք քաղտեխնոլոգը նշել է այն, որ ներդրողները չեն ցանկանում հեղափոխական ներքին օրակարգ ունեցող երկրում ներդրումներ անել։ «Եթե մշտապես ասվում է, որ պետք է փակել դատարանները, որ չկա դատական համակարգ, եւ որ Սահմանադրական դատարանում կա ճգնաժամ եւ այլն, ապա պետք է հասկանալ, որ ցանկացած ներդրողի համար կարեւոր փաստարկներից մեկը ձեւավորված դատական համակարգի առկայությունն է։ Եթե այն չկա, ապա ոչ մի լուրջ ներդրող Հայաստան չի գա»,- ընդգծել է փորձագետը։ Նա նշել է, որ Հայաստանը՝ որպես երկիր, որը գտնվում է շարունակական պատերազմի մեջ, չի կարող մշտապես պահել հեղափոխական մթնոլորտը, իսկ հասարակությունում մի մասը ատում է մյուսին։ «Հայաստանում ցանկացած ամենահիմար հարց կարելի է շատ հեշտ վերածել քաղաքական օրակարգի եւ դրա շուրջ սկսել քաղաքական դիմակայություն։ Դա պետք է փոխել, հակառակ դեպքում ոչինչ չի փոխվի։ Պետք է փաստել, որ հեղափոխության քաղաքական մասը ավարտվել է»,- ամփոփել է Հակոբյանը։
