«Լիդիան Արմենիա»-ն Նազելի Վարդանյանից պահանջում է 1 մլն դրամ վնասի փոխհատուցում
ԻՐԱՎՈՒՆՔ«Լիդիան Արմենիա» ՓԲԸ-ն հայց է ներկայացրել ընդդեմ փաստաբան Նազելի Վարդանյանի, պահանջում է 1 մլն դրամ վնասի փոխհատուցում: Այս մասին ֆեյսբուքյան իր էջում գրառում է կատարել բնապահպան Թեհիմեն Ենոքյանը:
Նա մասնավորապես գրել է.
«Ընկերությունն ասում է, որ իրենց գործարար և բարի համբավին վնաս է հասցվել, թեև իմ գործով դատավորը նույնաբովանդակ հայցի շրջանակներում ընկերության վրա դրել է ապացուցման բեռ, թե ընկերությունն ունի՞ արդյոք գործարար և բարի hամբավ:
Տիկին Նազելի Վարդանյանի դեմ հայց են ներկայացրել հետևյալ հայտարարության համար.
«Ինչո՞ւ Ջերմուկ հիմնադրամին գումար է փոխանցում 80 մլն, երբ Ջերմուկը ազդակիր համայնք չէ.., ի՞նչ է դա նշանակում.. Դա կաշառքի մի ձև է, ուրիշ տարբերակ չկա …»:
Ընկերությունը ցանկանում է, որ հրապարակային հերքվի այս տեղեկատվությունը: Նախադասությունը չունի կետադրական նշաններ «Դատալեքսում» մուտքագրված հայցի բովանդակության մեջ:
