Կարեն Կարապետյանը ուշագրավ հայտարարություն արեց. ՕԵԿ
ՎԻԴԵՈԱԺ ճեպազրույցների ժամին ՕԵԿ խմբակցության քարտուղար Մհեր Շահգելդյանն Լրագրողները հետաքրքրվեցին, թե հաշվի առնելով, որ Գյումրիի ՏԻՄ ընտրություններին նրանց աջակցում է Գյումրիի նախկին քաղաքապետ Վարդան Ղուկասյանը, ով հայտնի է իր կրիմինալ անցյալով, ՕԵԿ-ի համար, որը վերածնունդ է ուզում ապրել, պատվաբե՞ր է:
«Մենք Գյումրու ընտրություններին ներկայացրել ենք ցուցակ, որը գլխավորում է Հովհաննես Մարգարյանը, և մեզ աջակցում են բազմաթիվ քաղաքական գործիչներ, անհատներ, Մարգարյանն ընդունված և սիրված է, երկար տարիներ խոսել և պայքարել է Գյումրու խնդիրների համար,և շատերը աջակցում են այն ցուցակին, որը Հայկական վերածնունդը ներկայացրել է, իսկ մնացածը ձեր մոտեցումներն են, որոնք ինձ համար անընդունելի են»,- ասաց Մ. Շահգելդյանը:
Իսկ Վարդան Ղուկասյանի աջակցության վերաբերյալ ՕԵԿ խմբակցության պատգամավորը նշեց, թե թող ինքը իր մոտեցումները բացատրի, իսկ Հ. Մարգարյանին աջակցում են բազմաթիվ գյումրեցիներ:
Մ. Շահգելդյանն անդրադարձավ նաև վարչապետի փոփոխությանը և ասաց, թե երեք օր է, որ ներկայացված է. «Կաշխատի, կտեսնենք կգնահատենք, հաջողություն ենք ուզում մաղթել: Մեկ հայտարարությունը ուշագրավ էր, որ ասաց, թե բիզնեսներ չեն խլվելու, ինչը նշանակում է, որ բիզնեսներ խլվել են»,- ասաց Մ. Շահգելդյանը և հավելեց, թե իրենք լավին կասեն լավ, վատին` վատ:
Մանրամասները՝ տեսանյութում:
