15-ամյա տրանսսեքսուալը դպրոց է գնացել Կարդաշյանի կերպարով․ լուսանկարներ
ԱՄԵՆԱԸՆԹԵՐՑՎԱԾ
Ամառային արձակուրդներից հետո 15-ամյա Թայլերը Նորթ Յորքշիրի Միդլսբրոյի դպրոց է վերադարձել աղջկա կերպարանքով: Հիմա արդեն Քայրա Քելլի ներկայացող տղային չեն ճանաչել ո՛չ ուսուցիչները, ո՛չ համադասարանցիները․
Քայրան դպրոց է եկել Քիմ Քարդաշյանի կերպարով:
«Ես տարօրինակ զգացողություն ունեի: Հայելուց անծանոթի դեմք էր արտացոլվում: Ես ինձ կիսաշրջազգեստ եւ զգեստ հագած եմ պատկերացրել 8 տարեկանից: Գլխավորն այն է, որ երբ դպրոց մտա, բոլորն ինձ աջակցեցին, եւ ես հրաշալի էի զգում»,- նշել է Քայրան:
«Մանկության տարիներին իմ ընկերներն աղջիկներ էին: Ես նրանց զգեստներն էի փորձում եւ մեյքափ օգտագործում: Երբ մայրս եւ խորթ հայրս, որը հավատավոր քրիստոնյա է, այդ մասին իմացան, պահանջեցին դա դադարեցնել, քանի որ վախենում էին հարեւանների կարծիքից: Այդ ժամանակ մենք շատ վատ շրջանում էինք ապրում, եւ դա ինձ վրա սարսափելի ազդեցություն ունեցավ, ես ինձ մենակ էի զգում: Այսօր ծնողներս ինձ ընդունում են այնպիսին, ինչպիսին եմ»,- ասել Քայրան:
