Չինացի ամուսինները 54 տարի ապրել են քարանձավում

Չինացի ամուսինները 54 տարի ապրել են քարանձավում, որը գտնվում է Նանչուն քաղաքային շրջանի մոտ։ Զույգը չի պատրաստվում տեղափոխվել այնտեղից։ Այս մասին հայտնում է People’s Daily Online պարբերականը։

81-ամյա Լյան Ցզիֆուն և 77-ամյա Լի Սուինը քարանձավում են սկսել բնակվել հարսանիքից հետո, քանի որ չեն կարողացել իրենց թույլ տալ տուն կառուցել։ Համատեղ կյանքի կես դարում նրանք կարողացել են կացարանում սարքել 3 ննջասենյակ, խոհանոց, հյուրասենյակ, խոզ են պահել։ Նրանք ունեն 4 երեխա, ովքեր մեծացել են հենց այդ քարանձավում։

Թերթի տեղեկություններով՝ տեղի իշխանությունները փորձել են համոզել ամուսիններին տեղափոխվել ավելի լավ պայմաններով տեղ, սակայն նրանք հրաժարվել են։ Թոշակառուների խոսքով՝ իրենք սովորել են քարանձավին, որտեղ ձմռանը տաք է, իսկ ամռանը՝ զով։