Մորուքավոր աղջիկը մտել է Գիննեսի ռեկորդների գիրք
ԱՄԵՆԱԸՆԹԵՐՑՎԱԾ
Մեծ Բրիտանիայի Բերքշիր կոմսությունից 24-ամյա Խարնաամ Կաուրը մանկուց տառապում է ձվարանների պոլիկիստոզի համախտանիշից: Սա հորմոնալ հիվանդություն է, որից պատճառով 11 տարեկանում աղջկա դեմքին, ձեռքերին ու կրծքին սկսել են խիտ մազեր աճել: Այս տարի Խարնաամը մտել է Գիննեսի Ռեկորդների գիրք, որպես ամենաերիտասարդ կին, որն իսկական մորուք ունի:
Երբ աղջկա մոտ սկսել է մորուք աճել, նրան անընդհատ ծաղրել են դպրոցում ու նա շատ ժամանակ է անցկացրել լոգարանում՝ փորձելով ազատվել ավելորդ մազերից. նա փորձել է դրանք հեռացնել մեղրամոմի, ածելիի օգնությամբ, գունաթափել է մազերը, բայց այդ ամենը միայն հաստացնում էր նրա մազերը ու դրանք տարածվում էին նրա մարմնով մեկ: 14 տարեկանում նա հրաժարվում էր դուրս գալ տանից: Խարնաամ Կաուրը ամսագրերի շապիկներին տեսնում էր գեղեցիկ կանանց ու ուզում էր նմանվել նրանց: Մինչ համադասարանցիները տղաների հետ հարաբերություններ էին սկսում, Խարնաամի վրա ոչ ոք ուշադրություն չէր դարձնում, ու դա նրան շատ էր վշտացնում: Նա միշտ իրեն այլանդակ ճուտիկ էր զգում՝ չնայած ընկերներն ու կտրսեր եղբայրը միշտ աջակցում էին նրան
16 տարեկանում աղջիկը կնքվել է ու դարձել սիկհիզմի հետեւորդ: Դա նրա համար շրջադարձային պահ էր՝ նա ընդունեց իր արտաքինն ու այլեւս չէր պայքարում մազերի դեմ՝ հանգելով այն մտքին, որ իր մարմինը այնպիսին է, ինչպիսին աստված է ստեղծել: Խարնաամի խոսքով հենց կրոնն է իրեն ինքնավստահ դարձրել: Հիմա նա չի սափրում մորուքը, նրան լուսանկարում են զանազան լուսանկարիչներ, իսկ 2016-ի մարտին մասնակցել է Լոնդոնում Նորաձեւության շաբաթվան: Խարնաամը բոդի պոզիտիվի կողմնակիցն է իսկ Գինեսսի Ռեկորդների գրքում իր հայտնվելը «ստորացուցիչ» է համարել:
