Կենսաթոշակառու կինը դստեր դին տեղափոխել է թփերի մեջ և հայտարարել, որ հուղարկավորության համար գումար չունի

Սանկտ Պետերբուրգում 68-ամյա քաղաքացուհին իր 49-ամյա դստեր դիակը տեղափոխել է փողոց և թողել թփերի մեջ՝ բացատրելով, որ գումար չունի հուղարկավորության համար: Թոշակառու կնոջ հետ տեսահարցազրույցը հրապարակել է «Пятый канал»-ը:

Ըստ կնոջ խոսքերի, նա գտել է աղջկան մահացած մահճակալի մեջ, նրա մարմինն արդեն սկսել էր սևանալ: Նա վերցրել է սավանը, փաթաթել դրանով դիակը, կապկպել պարաններով և քարշ տվել բակ: Ծնողը նշել է, որ ինքը դա արել է հատուկ, որպեսզի հաջորդ օրը գան իր մոտ՝ հանգամանքները պարզելու համար: Իր գործողությունները նա բացատրել է նրանով, որ իր մոտ թաղման համար գումար չկա, նա ապրում է վեց հազար ռուբլի կենսաթոշակով, երկրորդ դուստրը օգնում է, բայց դա, միևնույն է, բավարար չէ:

Օպերատիվ-հետախուզական գործակալության տվյալներով, սավանի մեջ փաթաթված մարմինը անցորդները հայտնաբերել են Մենշիկովսկու պողոտայի շենքի մոտ հուլիսի 18-ի վաղ առավոտյան և ոստիկանություն են կանչել: Դիակի վրա բռնության արտաքին նշաններ չեն եղել: Տուժողը պարզվել է նախկինում թմրամիջոցների և գողության համար դատապարտված, հարևան «Непокоренные» պողոտայի շենքերից մեկի բնակչուհին էր: Երկու փողոցների խաչմերուկում գտնվում է Պիսկարևսկու  գերեզմանատունը:

Ոստիկանությունը դիտել է տեսախցիկների ձայնագրությունները. հուլիսի 18-ին, ժամը 01: 44-ին, տարեց կինը դուրս է եկել վերելակից՝ քարշ տալով իր հետևից սավանի մեջ փաթաթված մարմինը: Թոշակառու կնոջը հայտնաբերելուց հետո, նա խոստովանել է, որ երեք օր դստեր դիակը գտնվում էր բնակարանում՝ մինչև ամբողջ բնակարանով հոտի տարածվելը: Քննչական  մարմինները պարզում են կնոջ մահվան պատճառը:

Աղբյուրը՝ Փաստինֆո