Եթե չեք կարողանում ոչնչով օգտակար լինել, մի նախանձեք ու մի խանգարեք գործ անողներին

Ստելլա Բարսեղյանն իր ֆեյսբուքյան էջում գրում է.

Այս անգամ անհիմն մեղադրանք ու սադրանք կարող եմ որակել ԲՀԿ կուսակցության ղեկավար Գագիկ Ծառուկյանի մասին տարածված լուրերը, իբր թե Վայոց Ձորը դարձրել է արքունական որսատեղի: Սա անհիմն ու չստացված խաղ է, որով փորձում են Ծառուկյան ազգանունը շահարկել, սակայն փաստ է, որ այս տեղեկատվությունը բացարձակ սուտ է: Գագիկ Ծառուկյանը մշտապես եղել ու մնում է բնության աջակից, ինչը կարելի է փաստերով արձանագրել: Նա երկար ժամանակ է ինչ ֆինանսավորում է, որպեսզի Հայաստանի համար մեծ նշանակություն ունեցող բեզոարյան այծերը պահպանվեն հատուկ պայմաններով, ստեղծել է «Բեզոար» կազմակերպությունը, որը հենց զբաղվում է այդ հարցերով, ստեծվել է հատուկ պահակների խումբ՝ պահպանելու կենդանական աշխարհի անդորրը: Այս կենդանիների համար ստեղծված են բոլոր պայմանները բազմանալու ու զարգանալու, քանի որ նրանք գրանցված են Կարմիր գրքում, նրանց որսը արգելվում է: Այսքանը հաշվի առնելով ու ականատես լինելով առնվազն թերամտություն է կասկածել կամ առավել ևս մեղադրել Գագիկ Ծառուկյանին այդպիսի հարցում: 
Ակնհայտ է, որ սա զուտ Ծառուկյան ազգանունը շահարկելու միջոց է, քանի որ բացարձակ չի համապատասխանում իրականությանը, ուղղակի որոշ «բնապահպաններ» կաշառվելով դիմել են նման ստոր քայլի: Գագիկ Ծառուկյանը հենց իր միջոցներով ու իր բարեխղճությամբ է իրականացրել կենդանիների պահպանության ծրագրերը, իսկ նրանից «վառված», աբիժնիկ ու մշտապես լավի մեջ վատը տեսնող, անառողջ դատողությամբ անձանց խորհուրդ է տրվում. «եթե չեք կարողանում ոչնչով օգտակար լինել, մի նախանձեք ու մի խանգարեք մյուսներին»: