Արտակարգ դեպք Երևանում. Ո՞վ է դանակահարել Արմինե Օլյանի ամուսնուն
ՊԱՏՄՈՒԹՅԱՆ ԱՅՍ ՕՐԸ
Ինչպես հայտնում է ֆոտոլրագրող Գագիկ Շամշյանը, մինչ նշված հասցե կժամանեին ոստիկանության Նոր Նորքի բաժնի օպերատիվ խումբը՝ նշված հասցեից Սուրբ Գրիգոր Լուսավորիչ բժշկական կենտրոն է տեղափոխվում 28-ամյա Տիգրան Շախբեկյանը:
SHAMSHYAN.com-ի տեղեկություններով՝ երեկ՝ օգոստոսի 28-ին, արտակարգ դեպք է տեղի ունեցել Երևանում:
Ժամը 01:50-ի սահմաններում ոստիկանության Երևան քաղաքի վարչության օպերատիվ կառավարման կենտրոն Արտակարգ իրավիճակների նախարարության փրկարար ծառայության օպերատիվ կառավարման կենտրոնից ահազանգ է ստացվել, որ Վիլնյուսի փողոցի 6-րդ շենքի բնակիչը ահազանգել է և հայտնել, որ իր ամուսինը մարմնի տարբեր հատվածների կտրած-ծակած մակերեսային վերքեր է ստացել:
Արդեն հիվանդանոց է մեկնում ոստիկանության Նոր Նորքի բաժնի օպերատիվ խումբը՝ բաժնի պետի օպերգծով տեղակալ Մհեր Արզումանյանի գլխավորությամբ, ովքեր պարզում են, որ նա վնասվածքներ ստացել է սուր կտրող -ծակող առարկայից: Ֆոտոլրագրողի տեղեկություններով՝ տուժածի կինը, 27-ամյա Արմինե Օլեյանը հայտնել է, որ իր ամուսնուն դանակահարել է հարևանի սիրեկանը:
Ըստ բժիշկների հայտարարության՝ հիվանդանոց տեղափոխված Տ. Շախբեկյանը ի վիճակի չէ կատարվածի մասին տեղեկութուններ հայտնել: Փաստի առթիվ Հայաստանի քննչական կոմիտեի Երևանի քննչական վարչության Ավան և Նոր Նորք քննչական բաժնում քննիչ Պողոսյանի կողմից նյութեր են նախապատրաստվում:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
