ՔՈ մամուլի խոսնակը շարունակում է «ջուր ծեծել»
ՀԱՍԱՐԱԿՈՒԹՅՈՒՆ
ՔՈ կուսակցության մամուլի խոսնակ Միքայել Նահապետյանը չի տիրապետում իրավիճակին, որն առաջացել է Գագիկ Ծառուկյանի պատասխանից հետո, ինչն էլ ուղղված էր ՀՀ Աժ նախագահ Արարատ Միրզոյանի գրությանը: Մասնավորապես ԲՀԿ առաջնորդը, հղում անելով մի շարք օրենսդրական նորմերի վրա, ըստ էության պարզաբանել էր նախկինում իր կողմից հնչեցված հայտարարությունների իմաստն ու բովանդակությունն, որը միանգամայն տրամաբանության և օրինականություն սահմաններում էր, ինչի հետ սակայն ՔՈ անդամները համաձայն չէին և ենթադրել էին, թե կար էթիկայի խախտում: Այդ ամենից հետո, ՔՈ մամուլի խոսնակը շարունակում է մեղմ ասած «ջուր ծեծել» այն իմաստով, որ արդեն իսկ ներկայացված պարզաբանումից հետո շարունակում է խոսել մի կեղծ «թեզից», որը փաստացի հերքվել է: Տեսեք մի դրվագի անդրադառնանք և պարզ կդառնա, թե ինչպես են մանևրում և մանիպուլացնում իրավիճակը ՔՈ ներկայացուցիչները: Միքայելի պնդմամբ, ԱրարատՑեմենտի աշխատակիցների կամ արարատցիների շահերը պարտադիր չէր, որ օրինակ հենց Գագիկ Ծառուկյանը ներկայացներ, քանզի նա հանդիսանում է ԱրարտՑեմենտի սեփականատեր: Բայց մեկ պարզ տրամաբանություն և մեկ պարզ իրողություն կա այս ամենի մեջ, որի առկայությամբ էլ հենց պայմանավորված է Միքայելի խոսքի աբսուրդայնությունը: ԱրարատՑեմենտի աշխատակիցները, ինչպես բազմաթիվ տեսանյութերից է երևում, Ծառուկյանի հետ հանդիպման ժամանակ անձամբ իրենք էին խնդրել, որ ԲՀԿ առաջնորդը որպես պատգամավոր, բարձրաձայնի իրենց խնդրի մասին ԱԺ ամբիոնից, այսինքն իրենց կողմից ընտրված պատգամավորին լիազորել էին իրենց խնդիրների մասին խոսել, ինչը հենց բխում է պատգամավորի գործառույթներից: Երկրորդ, Գագիկ Ծառուկյանը սեփականատեր է և իր ձեռնարկությունը, այդ թվում և ԱրարատՑեմենտ գործարանը, հանձնել է հավատարմագգրային կառավարման և անձամբ չի զբաղվում դրանց կառավարմամբ և ընդհանուր առմամբ, այստեղ շահերի բախման մասին խոսք լինել չի կարող, քանզի այն օրինագիծը, որն ըստ էության բխում էր սեփականատիրոջ շահերից, դրան ԲՀԿ-ականները դեմ քվեարկեցին, նրանց համար այդ պահին կարևորը ոչ թե Գագիկ Ծառուկյանի շահն էր, այլ այն 1200 աշխատակիցների, ովքեր իրենց խնդրը լուծելու գործում տեսնում էին հենց Գագիկ Ծառուկյանին:
Միքայելին խորհուրդ կտայինք ինչ-որ թեմայի շուրջ խոսելիս խորը կշռադատի, հակառակ պարագայում ահա այսպիսի բացթողումները հետագայում կարող են առիթ հանդիսանալ, որ ցանկացած նրաց կողմից բարձրաձայնված խնդիր դիտարկվի այդ շրջանակներում, երբ ամեն անգամ առաջ քաշված «խնդրի» հասցեատերը «ձեռնունայն» կթողնի իրենց:
