ՈՒ՞մ քաղաքական հովանավորչությունն են վայելում ՔՈ-ականները
ՀԱՍԱՐԱԿՈՒԹՅՈՒՆ
Նարիեն Կազանչյանը ֆեյսբուքյան իր էջում գրում է.
Ներքաղաքական պրոցեսներին վերջերս ակտիվորեն ինտեգրված ՔՈ կուսակցության հիմնադիր անդամ Սուրեն Սահակյանի և կուսակցության որոշ անդամների գործողությունները, հայտարարությունները ակամայից մի քանի դրվագի մասին հիշելու առիթ են ստեղծում:
Սուրեն Սահակյանին շատերս հիշում ենք տարբեր քաղաքացիական հասարակական ակցիաներից, մասնավորապես՝ «Էլեկտրիկ Երևան» շարժումից, որտեղ վերջինս պայքարին միացավ, հենց իր ամուսնության օրը՝ ԶԱԳՍ-ից անմիջապես հետո Բաղրամյան պողոտա այցելելով:Կարծում եմ որևէ մեկը չի մոռացել, խոսակցություններն այն մասին թե «Էլեկտրիկ Երևանը» ում կողմից էր նախաձեռնված:
Սուրեն Սահակյանը, իհարկե ամեն անգամ առիթը բաց չի թողնում խոսել սուվերենությունից, մինչդեռ նրան ճանաչողները լավ գիտեն թե «Մարդու իրավունքների և ժողովրդավարության ինստիտուտ»-ի կողմից, որքան գրանտներ է ստացել, այլ խոսքով ասած գործ ունենք շարքային գրանտակերի հետ, ով հանրությանը ներկայանում է սրբի պսակը գխին դրած:
Ի դեպ, Սուրենի հարազատ եղբայրը, ով նախկին ՀՀԿ-ական է, իմիջայլոց ժամանակին Տավուշի մարզպետ Հովիկ Աբովյանի հովանավորչությունն էր վայելում: Մասնավորապես կոնկրետ ծառայությունների դիմաց էլ ստացել ամենաթանկ բրոկերային ընկերությունը տնօրինելու հնարավորությունը:
Այս ամենը իմանալուց հետո ուզում եմ հասկանալ, թե Սուրենն ու իր «անաչառ» կուսակից ընկերները, մեջքմեջքի տված, ո՞ւմ շահերն են փորձում սպասարկել, բացի իրենց անձնական շահերից և ովքեր են նրանց քաղաքական հովանավորները, որ դեռ ակտիվիստ տարիներից կանգնած են եղել նրանց թիկունքում:
Սրանք հարցեր են, որոնց պատասխանները թերևս տեղին կլիներ ներկայացվեր հանրությանը, որպեսզի գոնե Նոր Հայաստանում բացառվեր քաղաքական մանիպուլիացիաներ իրականցնողների շրջանակները:
