Արագածոտնի մարզում 22-ամյա ՌԴ քաղաքացին Toyota-ով բախվել է պարսպին ու ծառին, կան վիրավորներ. ՖՈՏՈՌԵՊՈՐՏԱԺ

Երեկ՝ օգոստոսի 25-ին, ավտովթար է տեղի ունեցել Արագածոտնի մարզում։ Ժամը 13։20-ի սահմաններում ՌԴ քաղաքացի, ժամանակավորապես Երևան քաղաքի Բաշինջաղյան փողոցի բնակիչ, 22-ամյա Արամ Ասատրյանը իր վարած Toyota մակնիշի 34 RՏ 659 համարանիշի ավտոմեքենայով Մարգարա-Վանաձոր-Տաշիր ավտոճանապարհի 50-րդ կմ հատվածում դուրս է եկել ճանապարհի երթևեկելի գոտուց և բախվել քարե պարսպին, այնուհետև՝ ծառին։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդ Ա. Ասատրյանն ու նրա ուղևորուհին՝ Երևանի բնակիչ, 22-ամյա Աննա Մարտիրոսյանը մարմնական վնասվածքներով տեղափոխվել են Աշտարակի բժշկական կենտրոն։

Դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի աշխատակիցները՝ դասակի հրամանատար Արմեն Պողոսյանի գլխավորությամբ։

Ժամանել են նաև ոստիկանության Աշտարակի բաժնի օպերատիվ խումբը՝ Հայաստանի քննչական կոմիտեի Արագածոտնի մարզային քննչական վարչության հատկապես կարևոր գործերով քննիչ Հովիկ Նիկողոսյանի գլխավորությամբ, ում կողմից փաստի առթիվ նյութեր ոն նախապատրաստվում։

Գ. Շամշյանի տեղեկություններով՝ վարորդ Ա. Ասատրյանն աշխատում է «Կենցաղքիմիա»-ի գործարանի վաճառքի զարգացման պատասխանատու։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները` Գագիկ Շամշյանի