Ռազմավարական նշանակություն ունեցող ցեմենտի վերաբերյալ նման անհեթեթ կարծիք հայտնելը տկարամտություն է

Ստելլա Բարսեղյանը ֆեյսբուքյան իր էջում գրում է.

Օրերս նախկին պատգամավոր Հրանտ Բագրատյանը ևս անդրադարձել է «Արարատցեմենտի» մասին շրջանառվող լուրերին, ու իր «մասնագիտական» դիրքորոշումն է փորձել դրսևորել՝ նշելով, որ գործարանում ներդրումներ չեն կատարվում և այն դուրս է գալիս մրցակցությունից:
Կարծես թե Բագրատյանը լավ չի տիրապետում իրական փաստերին ու տեղեկատվությանը, քանի որ իրականությունը բոլորովին այլ է.գործարանը մինչև այժմ շուրջ 6,2 մլրդ դրամ ներդրումներ է կատարել, արդյունքում արտադրական ծավալները մեծացրել 5 անգամ:
Իր հրապարակման մեջ Բագրատյանը նաև նշել է, որ գազի գինը որևէ առնչություն չունի ցեմենտի արտադրության հետ, բայց փաստը մնում է փաստ, որ ցեմենտի արտադրությունում ինքնարժեքի շուրջ 70%-ը կազմում է գազը:
Այս ամենից կարելի է ենթադրել, որ Բագրատյանն իր սուբյեկտիվ կարծիքն է արտահայտում՝ իրեն տնտեսագիտության մեջ իմաստուն համարելով, բայց փաստերն այլ բան են ապացուցում: Նմանատիպ մեկնաբանություններով նա ցույց է տալիս իր ոչ պրոֆեսիոնալ լինելու հանգամանքը,ուրիշ ոչինչ: Ինչ-ինչ հետին նպատակներ հետապնդելով նա աղավաղեց իրականությունը և ապատեղեկատվություն տարածելու փորձեր արեց: Սակայն ճշմարտությունն ավելի ուժեղ գտնվեց ու տապալվեցին նրա կանխամտածված փորձերը:
Այս պարագայում տեղին է նշել և հիշեցնել, որ բագրատյանական կառավարությունը հրաժարվում էր մթերել գյուղացու խաղողը, և հենց ինքը՝ Բագրատյանը անիմաստ մեկնաբանություններով հանդես գալով նշում էր, որ խաղողի փոխարեն իրենք Իրանից խաղող կներկրեն: Այժմ ավելի նկատելի է, որ նման մեկնաբանություններ անող և իրեն տնտեսագիտության գիտակ համարող անձը առնվազն ցույց է տալիս իր դիլետանտությունը, իսկ ռազմավարական նշանակություն ունեցող ցեմենտի վերաբերյալ նման կարծիք հայտնելը անհեթեթություն և տկարամտություն է: