900 անգամ ամսագրի շապիկին հայտնված Կլաուդիա Շիֆերն այսօր նշում է իր 46-ամյակը

46 ամյա մոդել Կլաուդիա Շիֆերը ծնվել է Գերմանիայի Ռայնբերգ քաղաքում: Մոդելային գործակալություն է եկել 1987 թվականին, երբ գիշերային ակումբում ծանոթացել է Metropolitan մոդելային գործակալության տնօրեն Միշել Լեվատոնի հետ:

Կլաուդիան մեկնել է Փարիզ, որտեղ լուսանկարվել է Elle ամսագրի շապիկին:

Դրանից հետո նա շահավեր գործարք է կնքել Chanel նորաձևության տան հետ: Chanel-ի հետ կնքած պայմանագիրը, Guess Jeans-ի համար գովազդային կամպանիան, Revlon-ի հետ կնքած երկարժամկետ պայմանագիրը նրան դարձրել են նորաձևության աշխարհում ամենաբարձր վարձատրվող մոդելներից մեկը:

Իր կարիերայի ենթացքում ամսագրերի շապիկին հայտնվել է ավելի քան 900 անգամ: Յուրաքանչյուր աշխատանքային օր նա ստանում է մոտավորապես 50 հազար դոլլար: Նրա կարողությունը «Ֆորբս» ամսագրի տվյալներով գնահատվում է 55 մլն դոլլար:

1997թվականին Կլաուդիան պայմանագիր է կնքել ֆրանսիական L'Oreal ընկերության հետ:
2002-ին նա ամուսնանացել է բրիտանացի պրոդյուսեր և կինոռեժիսոր Մետյու Վոնի հետ, և նրանք այժմ ունեն երկու երեխա: