Washington Post. Ռուսաստանն ու Չինաստանը ԱՄՆ-ին խորամանկությամբ գերազանցել են
ՄԻՋԱԶԳԱՅԻՆ
Ամերիկյան քաղաքականության մեջ բեւեռացման ֆոնին հանրապետականներն ու դեմոկրատներն անսպասելի երկկուսակցական կոնսենսուսի են եկել՝ զինվելով որպես ընդհանուր հիմք Ռուսաստանի եւ Չինաստանի դեմ «մեծ տերությունների մրցակցության» գաղափարով, The Washington Post-ի համար գրած հոդվածում նշում է «KKR գլոբալ ինստիտուտի» գործադիր տնօրեն Վենս Սերչուկը:
Վաշինգտոնը, մասնավորապես, պետությունների հետ մրցակցություն է տեսնում տեխնոլոգիական եւ ռազմական գերազանցության համար պայքարում: Սակայն Միացյալ Նահանգները սխալ է հասկանում Մոսկվայի եւ Պեկինի հետ մրցակցության էությունը, սա իր հերթին կարող է բերել ձախողման, նշում է հեղինակը:
Որպես օրինակ կարելի է դիտարկել Սիրիան, որտեղ Միացյալ Նահանգները 2011 թվականից պայքարում է Ռուսաստանի դեմ: Պայքարը Վաշինգտոնին տվեց ակնհայտ անբարենպաստ արդյունքներ, արձանագրում է Սերչուկը: Սիրիայում ԱՄՆ ռազմական հզորությունը տեխնիկապես գերազանցում է ռուսականին, սակայն արդյունքում Կրեմլը հաջողեց մերձավորարեւելյան տարածաշրջանում, եւ Սիրիայի նախագահ Բաշար Ասադին հաջողվեց իշխանությունը պահել, չնայած նրա ռեժիմը տապալելու ԱՄՆ պահանջներին:
Մոսկվայի հաջողությունը «խորամանկ դիվանագիտության» մեջ է՝ զուգակցված կետային եւ անսպասելի ռազմական քայլերով: Համանման պատմություն տեղի ունեցավ նաեւ Հարավ-Չինական ծովում՝ վերջին տասնամյակում Վաշինգտոնի եւ Պեկինի միջեւ աշխարհաքաղաքական մրցակցության ամենանշանակալի տեսարանը, նշում է հոդվածի հեղինակը:
