Գագիկ Ծառուկյանի անփոխարինելի ներդրումը սպորտի ոլորտում

Մարգո Կոնստանդյանը ֆեյսբուքյան իր էջում գրում է,

Ցանկացած հայի համար հաճելի է, երբ մեր երկրի դրոշը բարձրացում է միջազգային սպորտի հարթակում , երբ մեր տղաները և աղջիկները հաղթանակած են վերադառնում Հայաստան` դրանով մեր երկրի անունն ավելի ճանաչելի դարձնելով: Վերջին տարիներին հայկական սպորտն էլ ավելի է զարգացել և էլ ավելի հպարտանալու տեղիք է տալիս , այդ իսկ պատճառով ՀԱՕԿ նախագահ Գագիկ Ծառուկյանը այսօր՝ դեկտեմբերի 25-ին, Օլիմպավանում պարգևատրեց սպորտի ոլորտում հաջողություններ ունեցած հայ մարզիկներին: 

Նմանատիպ միջոցառումը մեծ նշանակություն ունի թե՛ հասարակության և թե՛ մարզիկների համար, քանզի տեսնելով այն փաստը, որ իրենց կատարած աշխատանքը գնահատվում է, նրանք էլ ավելի մեծ եռանդով կսկսեն զարգացնել իրենց ընդունակությունները: Պարգևատրման արժանացան Սիմոն Մարտիրոսյանը (աշխարհի չեմպիոն, ծանրամարտ), Արթուր Ալեքսանյանը (Եվրոպայի չեմպիոն, ըմբշամարտ), Գոռ Մինասյանը (աշխարհի փոխչեմպիոն, ծանրամարտ), Մաքսիմ Մանուկյանը (Եվրոպայի չեմպիոն, աշխարհի առաջնության բրոնզե մեդալակիր, ըմբշամարտ), Արթուր Շահինյանը (աշխարհի առաջնության բրոնզե մեդալակիր, ըմբշամարտ) եւ Ֆերդինանդ Կարապետյանը (Եվրոպայի չեմպիոն, ձյուդո): Թվարկված մարզիկներից 2-ը ստացան բնակարան Երևանում, մյուս 4-ը Հյունդաի մակնիշի ավտոմեքենա, իսկ հետո Գագիկ Ծառուկյանը հանձնարարեց մեքանա նվիրել նաև այլ 4 մարզիկների ՝ Վլադիմիր Հարությունյանին, Լև Սարգսյանին, Էդգար Ստեփանյանին և Կարեն Ասլանյանին: 
Ինչևէ, սա առաջին անգամը չէ, երբ Ծառուկյանը հանդես է գալիս նմանատիպ լայնամաշտաբ միջոցառմամբ և ամեն կերպ աջակցում մեր մարզիկներին: Հիշեցնենք, որ պոտենցիալ ունեցող մարզիկները անվճար հիմունքով մարզվում են Օլիմպավանում , և բազմաթիվ հաջողությունների հասածներ՝ աշխատավարձ ստանում Գագիկ Ծառուկյանի կողմից, այն բանի համար, որ հետագայում աշխատանք փնտրելու կարիք չունենան և իրենց նվիրեն սպորտին: 
Հուսով եմ, որ գալիք տարում մենք կունենանք նորանոր հաջողություններ սպորտի ոլորտում և Հայաստանի անունը էլ ավելի ճանաչելի կդարձնենք: