Քաղաքական ամբիցիաները` ապատեղեկատվություն տարածելու շարժառիթ
ՀԱՍԱՐԱԿՈՒԹՅՈՒՆ
Լյովա Մնացականյանը ֆեյսբուքյան իր էջում գրում է.
Թավշյա հեղափոխության հաղթանակից հետո, կասկած չկար անգամ, որ հեղափոխություն իրականացրած քաղաքական ուժն ակնհայտորեն խորհրդարանում ձևավորելու էր կայուն մեծամասնույթուն, որն էլ ենթադրում է, որ նոր խորհրդարանում կոալիցիաներ չեն լինելու։
Բացի դա Սահամանդրության մեջ հստակ ասվում է, որ Խորհրդարանական կառավարման համակարգի պարագայում, խորհրդարանի առնվազն 1/3-ը պետք է կազմված լինի ընդդիմությունից։ Հաշվի առնելով այս պարզ ճշմարտություններն անգամ քաղաքագիտական գիտելիքներ պետք չեն որպեսզի հասկանալի դառնա, որ կոալիցան խորհրդարանի նման դասավորվածության պարագայում բացառվում է։
Հիմա այս ֆոնին, երբ 7-րդ գումարման ԱԺ-ի պատգամավորական մանդատների թիվն է անգամ հայտնի, օրաթերթերից մեկը, հերթական անգամ, ԲՀԿ-ի ուղղությամբ ցեխ շպրտելու մտադրությամբ, հերթապահ անհեթեթ հոդվածն էր հրապարակել, որում ասվում է, թե իբր Գագիկ Ծառուկյանը խաբել է իր կուսակիցներին ասելով, որ խորհրդարանական ընտրություններից հետո կոալիցիա է կազմելու գործող իշխանության հետ և նախարարական պորտֆելներ ստանա․
Ակնհայտ է, որ վերը նշված հանգամանքներիրց ելնելով, դա ուղղակիորեն բացառվում էր և ասվածն ուղղակի տգիտության դրսևորում է։ Ընդհանուր առմամբ, տվյալ օրաթերթի անառողջ հակումները բացառապես արտահայտում են այն քաղաքական ուժի ամբիցիաները, որի շահերը և սպասարկում են։
Ինչևէ խորհուրդ ենք տալիս պատվիրատուներին իրենց աչքի գերանը թողած, այլոց մատից փուշ չհանել և վերջապես ուշքի գալ, քանի որ գործելու և սեփական ծրագրերն ի կատար ածելու փոխարեն, անհիմն կերպով փորձում են վատաբանել օպոնենտ քաղաքական ուժերին՝ նրանց հասցեին ապատեղեկատվություն տարածելով։
